Кіраўніцтва раёна накіроўвае віншаванні з Днём міліцыі

Паважаныя супрацоўнікі і ветэраны органаў унутраных спраў!

Віншуем вас з прафесійным святам – Днём міліцыі.

Наша міліцыя прайшла слаўны шлях, у яе гісторыю ўпісана нямала гераічных старонак. Вартавыя парадку ўсіх пакаленняў сумленна выконвалі і выконваюць свой абавязак.

Сваёй добрасумленнай службай вы спрыяеце эканамічнай і сацыяльнай стабільнасці ў рэгіёне, абараняеце канстытуцыйныя правы і інтарэсы грамадзян.

Дзякуючы гэтаму людзі жывуць і працуюць спакойна, захоўваючы ўпэўненасць у заўтрашнім дні. Нашы жыхары высока цэняць ваш прафесіяналізм і вернасць абавязку.

Асаблівыя словы прызнальнасці адрасуем жанчынам у пагонах, маці і жонкам супрацоўнікаў.

Дзякуем ветэранам, якія і сёння застаюцца ў страі, дапамагаюць захоўваць лепшыя міліцэйскія традыцыі і выхоўваць моладзь.

Ад усёй душы жадаем поспехаў у вашай высакароднай дзейнасці ў імя працвітання Рэспублікі Беларусь.

Моцнага здароўя, шчасця і дабрабыту вам і вашым блізкім!

У.Н. Шылаў, старшыня раённага выканаўчага камітэта
І.Ф. Козел, старшыня раённага Савета дэпутатаў