Верхнядзвінскім РВК прынята рашэнне аб забароне выхаду на вадаёмы на тэрыторыі раёна. Адпаведнае рашэнне падпісана 29 лістапада 2024 года.

Згодна з рашэннем, у асенне-зімовы перыяд 2024/2025 года грамадзянам забараняецца выходзіць на лёд, пакуль таўшчыня лёду не дасягне 7 см, а таксама ў перыяд інтэнсіўнага раставання і разбурэння лёду ў зімова-вясновы перыяд.

Адказным службам даручана правесці прафілактычную працу сярод насельніцтва і ва ўстановах адукацыі раёна, а кампетэнтным службам - Верхнядзвінскаму АСВОД і БООР - неабходна праводзіць рэйды па выяўленні "рыбакоў-экстрэмалаў" з правядзеннем прафілактычнай працы. Верхнядзвінскаму РАУС і РАНС, АСВОД у названы перыяд неабходна ажыццяўляць рэйды па папярэджанні выхаду грамадзян на лёд.