На тэрыторыі Верхнядзвінскага раёна і г.Верхнядзвінска ў перыяд з 21 па 25 жніўня будзе рэалізоўвацца спецыяльнае комплекснае мерапрыемства «Падлетак» (далей – СКМ «Падлетак»).

Асноўная мэта — прафілактыка безнагляднасці і правапарушэнняў непаўналетніх у цэлым, а таксама прафілактычнае ўздзеянне на непаўналетніх, схільных да здзяйснення супрацьпраўных дзеянняў, а таксама кантроль за падлеткамі, у дачыненні да якіх супрацоўнікамі ІУН АУС Верхнядзвінскага райвыканкама праводзіцца індывідуальная прафілактычная работа.

Задачы, якія ставяцца перад СКМ «Падлетак»:
— комплекснае прымяненне мер па прафілактыцы безнагляднасці і правапарушэнняў непаўналетніх;
— павышэнне ўзроўню ўзаемадзеяння органаў, устаноў і іншых арганізацый, якія ажыццяўляюць прафілактыку безнагляднасці і правапарушэнняў непаўналетніх;
— правядзенне шырокарэгулярнай інфармацыйна – прафілактычнай кампаніі, ліквідацыя або мінімізацыя прычын і ўмоў, якія спрыяюць узнікненню негатыўных з'яў у падлеткавым асяроддзі.

У перыяд летніх канікул з-за адсутнасці кантролю з боку ўстаноў адукацыі, а таксама адсутнасці летняй занятасці ў дзяцей з'яўляецца вялікая колькасць вольнага часу і, адпаведна, шмат спакус: у кампаніі аднагодкаў з'яўляюцца прапановы паспрабаваць паліць, у тым ліку электронныя цыгарэты, ужыць наркотыкі, выпіць піва «для настрою», а то і чаго мацней. А пад градусам нямала цягне на подзвігі, і адсюль — здзяйсненне правапарушэнняў, злачынстваў.

У вячэрні і начны час супрацоўнікамі міліцыі будуць ажыццяўляцца рэйдавыя мерапрыемствы па месцах канцэнтрацыі моладзі, у тым ліку дыскатэк, устаноў забаў горада і раёна.

ІУН АУС Верхнядзвінскага райвыканкама нагадвае, што за распіццё алкагольных напояў у грамадскім месцы або з'яўленне ў нецвярозым стане ў грамадскіх месцах прадугледжана адказнасць па арт. 19.3 Кодэкса аб адміністрацыйных правапарушэннях Рэспублікі Беларусь: штраф да дзвюх базавых велічынь.

Агульны ўзрост прыцягнення да адміністрацыйнай адказнасці, у тым ліку за вышэйназванае дзеянне наступае з шаснаццацігадовага ўзросту. У выпадку затрымання падлетка, які распівае спіртныя напоі ў грамадскім месцы і не дасягнуўшага на момант здзяйснення дзеяння 16-гадовага ўзросту, складаецца адміністрацыйны пратакол па ч. 1 арт. 10.3 КаАП Рэспублікі Беларусь на законных прадстаўнікоў непаўналетняга, якія могуць быць падвергнуты штрафу ў памеры да дзесяці базавых велічынь.

Нагадваем: дзецям да 16 гадоў знаходзіцца ў начны час з 23:00 да 06:00 па-за жыллём без суправаджэння бацькоў або асоб, якія іх замяняюць, забаронена

!