Дзяржпрамнагляд адказвае

Пытанне 1:

Ці неабходна атрымліваць дазвольныя дакументы ў галіне прамысловай бяспекі на эксплуатацыю батутнага комплексу?

Пытанне 1:

Пералікі небяспечных вытворчых аб'ектаў і патэнцыйна небяспечных аб'ектаў, якія падлягаюць дзяржаўнаму нагляду ў галіне прамысловай бяспекі, устаноўлены прылажэннямі 1 і 2 да Закона Рэспублікі Беларусь ад 5 студзеня 2016 года «Аб прамысловай бяспецы».

Батутныя комплексы, батуты не ўключаны ва ўказаныя пералікі, дзяржаўнаму кантролю (нагляду) у галіне прамысловай бяспекі і рэгістрацыі ў Дзярпрамнадзоры не падлягаюць. Такім чынам, дазвольныя дакументы ў галіне прамысловай бяспекі (спецыяльныя дазволы (ліцэнзіі), дазволы Дзярпрамнадзору) на эксплуатацыю названага абсталявання не патрабуюцца.

Дадаткова інфармуем, што 18 красавіка 2018 года ўступіў у сілу тэхнічны рэгламент Еўразійскага эканамічнага саюза «Аб бяспецы атракцыёнаў» (ТР ЕАЭС 038/2016), прыняты рашэннем Савета Еўразійскай эканамічнай камісіі ад 18.10.2016 г. № 114 (далей — ТР ЕАЭС 038/2016), згодна з якім, выпуск у абарачэнне немеханізаваных атракцыёнаў (батутаў) на рынку Еўразійскага эканамічнага саюза, у тым ліку і на тэрыторыі Рэспублікі Беларусь, пасля 18 красавіка 2018 года магчымы пры ўмове праходжання ацэнкі адпаведнасці згодна з раздзелам XI ТР ЕАЭС 038/2016.

Пытанне 2:

Адкрываю ІП, планую эксплуатаваць надзіманую горку. Якія дазволы і дзе мне неабходна атрымаць?

У адпаведнасці з Палажэннем аб Дэпартаменце па наглядзе за бяспечным вядзеннем работ у прамысловасці Міністэрства па надзвычайных сітуацыях Рэспублікі Беларусь, зацверджаным Указам Прэзідэнта Рэспублікі Беларусь ад 14 лістапада 2022 г. № 405, Дзярпрамнадзор ажыццяўляе дзяржаўны нагляд у галіне прамысловай бяспекі за небяспечнымі вытворчымі аб'ектамі і (або) патэнцыйна небяспечнымі аб'ектамі, і звязанымі з імі відамі дзейнасці.

Пералікі небяспечных вытворчых і патэнцыйна небяспечных аб'ектаў пазначаны ў прылажэннях 1 і 2 да Закона Рэспублікі Беларусь «Аб прамысловай бяспецы» ад 5 студзеня 2016 года (далей – Закон).

У выпадку, калі ўказаная ў звароце надзіманая горка, згодна з эксплуатацыйнымі дакументамі, адносіцца да водных горак з лінейнай хуткасцю перамяшчэння пасадачных месцаў (пасажыраў) больш за 5 м/сек і (або) адноснай вышынёй спуску больш за 3 метры, то ў адпаведнасці з пунктам 6 дадатку 2 да Закона яна з'яўляецца патэнцыйна небяспечным аб'ектам, падлягае дзяржаўнаму нагляду ў галіне прамысловай бяспекі і яе эксплуатацыя павінна ажыццяўляцца ў адпаведнасці з патрабаваннямі Закона і Правілаў па забеспячэнні прамысловай бяспекі атракцыёнаў, зацверджаных пастановай Міністэрства па надзвычайных сітуацыях Рэспублікі Беларусь 13.10.2009 № 52.

У выпадку аднясення надзіманай горкі да гульнявога надзіманага абсталявання (далей – абсталяванне) паведамляем, што абсталяванне не ўваходзіць ва ўказаныя вышэй пералікі, дзяржаўнаму нагляду ў галіне прамысловай бяспекі не падлягае, і Госпрамнадзор не ўпаўнаважаны на выдачу дазволаў, звязаных з яго эксплуатацыяй.

Дадаткова інфармуем, што ў дачыненні да абсталявання, якое эксплуатуецца ў Рэспубліцы Беларусь, з 01.04.2023 дзейнічаюць Правілы па забеспячэнні тэхнічнай бяспекі «Патрабаванні да эксплуатацыі гульнявога надзіманага абсталявання, надзіманых атракцыёнаў», зацверджаныя пастановай Міністэрства па надзвычайных сітуацыях Рэспублікі Беларусь ад 17.11.2022 № 64 (далей – Правілы).

У адпаведнасці з патрабаваннямі Правілаў эксплуатацыя абсталявання, якое трапляе пад дзеянне Правілаў, дапускаецца пры наяўнасці эксплуатацыйных дакументаў на яго, якія ўключаюць у сябе, згодна з пунктам 6 Правілаў, пашпарт (фармуляр) і кіраўніцтва па эксплуатацыі.

Патрабаванні да арганізацыі бяспечнай эксплуатацыі абсталявання, а таксама пералік неабходных часопісаў, інструкцыі паказаны ў главах 3 і 4 Правілаў.

Пры гэтым, згодна з главай 5 Правілаў, абсталяванне на працягу ўсяго тэрміну эксплуатацыі павінна падвяргацца тэхнічным асведчанням з афармленнем адпаведнага акта, які прыкладаецца да эксплуатацыйных дакументаў і з'яўляецца іх неад'емнай часткай.

У адпаведнасці з пунктам 65 Правілаў тэхнічнае асведчанне праводзіцца арганізацыяй, акрэдытаванай у адпаведнасці з патрабаваннямі міждзяржаўнага стандарту ГОСТ ISO/IEC 17020-2013 «Ацэнка адпаведнасці. Патрабаванні да працы розных тыпаў органаў, якія праводзяць інспекцыі», зацверджанага пастановай Дзяржаўнага камітэта па стандартызацыі Рэспублікі Беларусь ад 30 жніўня 2013 г. № 45.

На дадзены момант інфармацыю аб тых, хто прайшоў працэдуру акрэдытацыі ў адпаведнасці з вышэйуказанымі патрабаваннямі і мае права на правядзенне тэхнічнага асведчання абсталявання, можна атрымаць на сайце Беларускага цэнтра акрэдытацыі.