Аб здарэнні з ліфтам

25 студзеня 2024 г. на тэрыторыі ААТ «Мінскі завод «ТЭРМАПЛАСТ» адбыўся няшчасны выпадак, у выніку якога работнік ПУП «БеразМебель» упаў у шахту грузавога ліфта з унутраным кіраваннем.

У ходзе расследавання ўстаноўлена, што работнік, прыняўшы дзверы шахты ліфта за ўваход у цэх, адкрыў іх. Не пераканаўшыся ў наяўнасці кабіны на асноўнай пасадачнай пляцоўцы (кабіна знаходзілася на другім паверсе), ступіў унутр і ўпаў у шахту ліфта, у выніку чаго быў траўмаваны.

Прычынамі няшчаснага выпадку з'явіліся:

Тэхнічная прычына - дапушчана эксплуатацыя тэхнічна няспраўнага ліфта, з няспраўнасцю замыкальнага прыстасавання замка дзвярэй шахты.

Арганізацыйныя прычыны:

 адсутнасць кантролю выканання асобай, адказнай за ажыццяўленне вытворчага кантролю, і асобай, адказнай за бяспечную эксплуатацыю ліфта, патрабаванняў Правілаў па забеспячэнні прамысловай бяспекі ліфтаў, будаўнічых грузапасажырскіх пад'ёмнікаў, эскалатараў, канвеераў пасажырскіх, сваіх абавязкаў, выкладзеных у інструкцыях;

адсутнасць абслуговага персаналу (ліфцёра), прызначанага для кіравання ліфтам;

не ўстаноўлены парадак і не арганізавана правядзенне штодзённых (штозменных) аглядаў ліфта, з мэтай выяўлення няспраўнасцей, якія пагражаюць яго бяспечнай эксплуатацыі;

эксплуатацыя і абслугоўванне ліфта ажыццяўляліся без уліку патрабаванняў кіраўніцтва па эксплуатацыі (кіраўніцтва па эксплуатацыі ліфта адсутнічае);

ажыццяўленне допуску да эксплуатацыі ліфта пасля праведзенага тэхнічнага асведчавання з парушэннем патрабаванняў Правілаў;

з боку абслугоўваючай арганізацыі не ажыццяўляўся кантроль за выкананнем яе работнікамі работ па праверцы тэхнічнага стану, абслугоўвання ліфта.

Асобы, якія дапусцілі парушэнні патрабаванняў абавязковых для выканання тэхнічных нарматыўных прававых актаў у галіне прамысловай бяспекі, лакальных прававых актаў:

- работнікі завода (асоба, адказная за арганізацыю прамысловай бяспекі, асоба, адказная за ажыццяўленне вытворчага кантролю ў галіне прамысловай бяспекі, асоба, адказная за бяспечную эксплуатацыю ліфтаў);

- асоба, адказная за абслугоўванне і рамонт ліфтаў ЗАА «Гомельліфт»;

- эксперт у галіне прамысловай бяспекі, які праводзіў тэхнічнае асведчанне ліфта.

Па выніках расследавання прычын няшчаснага выпадку прыняты наступныя меры:

вінаватыя службовыя асобы прыцягнуты да адміністрацыйнай
і дысцыплінарнай адказнасці;

прыпынена эксплуатацыя ліфта.