Льготнае крэдытаванне маладых спецыялістаў - па новых правілах

Маладыя спецыялісты з 17 чэрвеня 2024 года змогуць атрымаць спажывецкія крэдыты пад 2,38%. Разбіраемся ў нюансах крэдытавання.

Хто можа прэтэндаваць на атрыманне льготнага крэдыту?

Указ Прэзідэнта «Аб прадастаўленні льготных крэдытаў асобным катэгорыям грамадзян» №95 ад 14.03.2024 года уступіць у сілу з 17 чэрвеня 2024 года.

Атрымаць льготны крэдыт змогуць:

• выпускнікі, накіраваныя ў арганізацыі сельскіх населеных пунктаў, або самастойна працаўладкаваныя ў дзяржаўныя арганізацыі, МНС, прадпрыемствы сферы гандлю і сельскай гаспадаркі, размешчаныя ў сельскіх населеных пунктах незалежна ад месца жыхарства бацькоў;
• маладыя людзі, якія добраахвотна паступілі на ваенную службу па кантракце ў населеных пунктах не па месцы жыхарства бацькоў;
• выпускнікі ўстаноў адукацыі, якія атрымалі прафесійна-тэхнічную адукацыю;
• у залежнасці ад катэгорыі заяўніка, на працягу 1 года з даты першага працоўнага дагавора, першай пасады, кантракту, пасля атрымання дыплома.

На якіх умовах выдаецца крэдыт?

Атрымаць крэдыт магчыма адзін раз на тэрмін да пяці гадоў.

Працэнт па льготным крэдыце складзе 2,38%.

Максімальная сума – да 30 бюджэтаў пражытачнага мінімуму для працаздольнага насельніцтва. На дадзены момант максімальная сума крэдыту складае 13 038 руб.

Пагашэнне льготных крэдытаў і выплата працэнтаў пачынаецца праз шэсць месяцаў, наступных за месяцам заключэння крэдытнага дагавора, і ажыццяўляецца роўнымі долямі на працягу ўсяго тэрміну вяртання.

Дарэчы, указам не абмежаваны пералік тавараў, якія можна набыць у крэдыт: цяпер гэта любы нехарчовы тавар айчыннай вытворчасці.

Парадак атрымання

Пры выдачы льготнага крэдыту ўлічваецца плацежаздольнасць заяўніка. Калі вы прэтэндаваць на максімальную суму ў 13 038 руб., то даход павінен складаць каля 680 рублёў.

Каб атрымаць крэдыт, маладому спецыялісту трэба звярнуцца ў аддзел кадраў арганізацыі па месцы працы (службы), якая хадайнічае перад раённымі, гарадскімі (гарадоў абласнога і раённага падпарадкавання) выканаўчымі камітэтамі, мясцовымі адміністрацыямі раёнаў у гарадах аб уключэнні работніка ў спіс. Як толькі работнік будзе зацверджаны ў спісе, можна звяртацца ў Іпатэчны офіс «Беларусбанка», тэрытарыяльна размешчаны па месцы працы (службы), з пакетам дакументаў.

Для афармлення крэдыту (паручальніцтва) спатрэбіцца прадставіць дакумент, які сведчыць асобу (для азнаямлення), дакументы, якія пацвярджаюць даходы заяўніка (паручальнікаў).

Умовы пераразліку

Калі крэдытаатрымальнік звольніцца або будзе звольнены з працы да ўстаноўленага ўказам тэрміну, будзе ажыццёўлены пераразлік памераў працэнтаў за карыстанне крэдытам: плюс 3 працэнтныя пункты да стаўкі рэфінансавання Нацыянальнага банка (з улікам яе змянення). Але ёсць і выключэнні з гэтага правіла. Напрыклад, пераразлік не праводзіцца, калі крэдыт выдалі чалавеку з шматдзетнай сям'і або ў яго сям'і ёсць бацькі або дзеці-інваліды і г.д.

Па матэрыялах БЕЛТА.

Фота з адкрытых крыніц.