У буйных гандлёвых аб'ектах горада нагадалі пра правілы бяспекі
Такімі месцамі ў нашым горадзе сталі крамы «Еўраопт» і «Маяк». Да невялікіх астраўкоў бяспекі былі запрошаны пакупнікі ўсіх узростаў.
Самаму маладому ўдзельніку акцыі было 8 гадоў, а самаму «дасведчанаму» – 84. Нягледзячы на ўзрост і від занятасці, ратавальнікі знайшлі падыход да кожнага і расказалі аб правілах паводзін пры розных надзвычайных сітуацыях.
Высветлілася, што дарослыя добра ведаюць толькі нумар службы выратавання, а вось малодшае пакаленне аказалася інфармацыйна «падкаваным»: дзеці ведаюць не толькі нумар, але і на «аўтамаце» расказваюць алгарытм дзеянняў пры пажары ад моманту выяўлення да выкарыстання падручных сродкаў пажаратушэння.
Без увагі работнікі МНС не змаглі пакінуць тэму небяспекі ад вадаёмаў. Уся інфармацыя па алгарытме выратавання тапельнікаў наглядна прадэманстраваў інфармацыйны буклет.
Не выклікала складанасцей у удзельнікаў акцыі назваць асноўныя прычыны пажару.
– Печы, электрапрыборы, гульні дзяцей з агнём, неасцярожнае курэнне… – адразу пералічыў усе самыя распаўсюджаныя прычыны пажараў адзін з удзельнікаў акцыі.
Усім бацькам ратавальнікі рэкамендавалі не пакідаць без увагі непаўналетніх дзяцей, навучаць іх правілам бяспечных паводзін. Памятайце: ваша бяспека ў вашых руках!