Кіраўніцтва раёна віншуе супрацоўнікаў і ветэранаў службы МНС з прафесійным святам

Прыміце шчырыя віншаванні з прафесійным святам - Днём выратавальніка і 25-годдзем стварэння органаў і падраздзяленняў па надзвычайных сітуацыях Рэспублікі Беларусь!

За час службы, звязанай з трывогамі і небяспекамі, вы неаднаразова дэманстравалі вытрымку, стойкасць, адвагу, здольнасць аператыўна і на высокім узроўні выконваць свае абавязкі, тым самым годна працягваючы традыцыі, закладзеныя папярэднікамі.

Сёння работнікі органаў і падраздзяленняў па надзвычайных сітуацыях гатовыя выконваць увесь спектр аварыйна-выратавальных работ. Пажары, дарожна-транспартныя здарэнні, работа на вадзе, у лесе… Выратавальнікі па першым клічы прыходзяць на дапамогу людзям, якія трапілі ў бяду.

Дзякуем вам за высокі прафесіяналізм, смеласць і рашучасць, праяўленыя ў экстрэмальных сітуацыях, за выратаваныя жыцці.

Жадаем моцнага здароўя, шчасця і новых поспехаў у вашай высакароднай працы ў імя працвітання Беларусі!

Верхнядзвінскі раённы выканаўчы камітэт

Верхнядзвінскі раённы Савет дэпутатаў