Дадатковы падатковы вылік для маладых спецыялістаў увялі ў Беларусі

З 1 студзеня 2024 года маладыя спецыялісты, маладыя рабочыя (служачыя) маюць права на атрыманне дадатковага стандартнага падатковага выліку па падаходным падатку ў памеры 620 руб. у месяц.

Хто мае права на дадзены вылік? Такі падатковы вылік прадастаўляецца маладым спецыялістам, маладым рабочым (служачым), якія атрымалі вышэйшую, навукова-арыентаваную, сярэднюю спецыяльную або прафесійна-тэхнічную адукацыю і
працаўладкаваным у адпаведнасці са сведчаннем аб накіраванні на працу; вышэйшую, навукова-арыентаваную, сярэднюю спецыяльную або прафесійна-тэхнічную адукацыю па спецыяльнасцях для воінскіх фарміраванняў і ваенізаваных арганізацый.
На які перыяд прадастаўляецца падатковы вылік? Дадатковы стандартны падатковы вылік прадастаўляецца на працягу тэрміну абавязковай працы ў наймальніка па размеркаванні (пераразмеркаванні), працаўладкаванні за кошт броні, накіраванні (перанакіраванні) на працу і тэрміну працягу з ім працоўных адносін, але не больш за 7 гадоў з даты працаўладкавання ў такога наймальніка ў адпаведнасці са сведчаннем аб накіраванні на працу.