У Верхнядзвінскім раёне праводзіцца прафілактычнае мерапрыемства "Беражыце дзяцей!"

З 5 па 14 студзеня ў рэспубліцы праводзіцца прафілактычнае мерапрыемства «Беражыце дзяцей!».

Статыстыка загінулых і параненых у ДТЗ дзяцей у 2023 годзе ў рэспубліцы няўцешная: павялічылася колькасць параненых у ДТЗ дзяцей (з 397 да 440!).
Найчасцей пацярпелымі станавіліся дзеці-пасажыры (36,1%). Кожны трэці пацярпелы дзіця — пешаход, кожны чацвёрты — веласіпедыст.
Па віне кіроўцаў траўмы атрымалі 73,4% непаўналетніх.
У першы дзень надыходзячага года ў выніку наезду на пешаходным пераходзе ў Гомелі загінуў 15-гадовы падлетак, а ў Светлагорскім раёне ў лобавым сутыкненні траўмы атрымалі яшчэ двое дзяцей, якія перавозіліся без спецыяльных утрымліваючых прылад.
Бацькі, памятайце!
Менавіта вы павінны сачыць за сваімі дзецьмі і забяспечваць іх бяспеку, вучыць правільным паводзінам на дарозе:
пераходзьце вуліцу толькі ва ўстаноўленым месцы,
перавозіце дзяцей у аўтамабільным крэсле або іншай утрымліваючай прыладзе.
Навучыце іх «залатому» правілу: сеў у машыну — прышпіліся рамянём бяспекі.