13 кастрычніка супрацоўнікі Дзяржаўтаінспекцыі правядуць комплекс прафілактычных мерапрыемстваў «Кіроўца-пешаход: зносіны па правілах!»

З пачатку года на Віцебшчыне зарэгістравана 26 дарожна-транспартных здарэнняў з удзелам непаўналетніх (у 2022 годзе – 31), у якіх 1 дзіця загінула, 30 – атрымалі раненні. 12 з іх – дзеці-пешаходы.

З мэтай стабілізацыі абстаноўкі ў сферы бяспекі дарожнага руху, а таксама ў сувязі са скарачэннем светлавога дня і павелічэннем рызык здзяйснення ДТЗ з удзелам пешаходаў, Дзяржаўтаінспекцыя правядзе 13 кастрычніка комплекс прафілактычных мерапрыемстваў «Кіроўца-пешаход: зносіны па правілах!», накіраваных на прафілактыку ДТЗ на пешаходных пераходах.
У межах мерапрыемстваў, супрацоўнікі ДАІ правядуць прафілактычныя гутаркі, а таксама арганізуюць рэйдавыя мерапрыемствы паблізу пешаходных пераходаў.