Сёння ў Верхнядзвінскім раёне ўшанавалі Васіля Косава, трактарыста-машыніста ААТ "Шайцерава", які першым у Віцебскай вобласці намалаціў тысячу тон збожжа новага ўраджаю!

Прыехалі высокія госці, каб павіншаваць яго са значнай працоўнай перамогай - старшыня аблвыканкама Аляксандр Субоцін, памочнік Прэзідэнта - інспектар па Віцебскай вобласці Ігар Брыло, старшыня камітэта па сельскай гаспадарцы і харчаванні аблвыканкама Сяргей Егораў, старшыня райвыканкама Васіль Шылаў.

Таксама перадавіка павіншавалі і ўручылі падарункі старшыня сельгаспрадпрыемства Міхаіл Гумненкоў і кіраўнік мясцовай выканаўчай улады Таццяна Разумная.
Віншуем усіх аграрыяў Верхнядзвінскага раёна і спадзяемся, што наперадзе ў нас яшчэ шмат перамог!