Прафілактычная акцыя «Рух па правілах!»

У перыяд з 4 па 14 ліпеня 2023 года на тэрыторыі Рэспублікі Беларусь Дзяржаўтаінспекцыя праводзіць рэспубліканскую прафілактычную акцыю «Рух па правілах!», з мэтай папярэджання дарожна-транспартных здарэнняў з удзелам веласіпедыстаў і асоб, якія перамяшчаюцца на сродках персанальнай мабільнасці.

Аналіз стану дарожна-транспартнай абстаноўкі бягучага года ў параўнанні з аналагічным перыядам мінулага года паказвае, што ў студзені-маі 2023 года ў цэлым па краіне адзначаны істотны рост дарожна-транспартных здарэнняў (+93.8 %) з 16 да 31 з удзелам веласіпедыстаў на пешаходных пераходах, а таксама загінулых (з 0 да 1) і параненых (з 16 да 30) у названых здарэннях удзельнікаў руху. 23 веласіпедысты, якія атрымалі траўмы на пешаходных пераходах, з'яўляліся непаўналетнімі.

Узрасла колькасць выпадкаў траўматызму людзей, якія перамяшчаюцца на сродках персанальнай мабільнасці. Сродак персанальнай мабільнасці (далей СПМ) — прылада або прыстасаванне, якое не з'яўляецца транспартным сродкам, прызначанае для індывідуальнага або сумеснай выкарыстання (электрасамакат, гіраскутэр, монакола і іншае). Магутнасць рухавіка не мае значэння, калі ён ёсць, то сродак лічыцца СПМ.
Карыстальнікі СПМ могуць рухацца па веладарожках, а пры іх адсутнасці — па тратуарах, пешаходных дарожках і абочынах, не ствараючы перашкод для руху іншых пешаходаў. Хуткасць СПМ не павінна перавышаць 25 км/ч. Карыстальнікі СПМ з'яўляюцца пешаходамі.
Пры перасячэнні праезнай часткі па наземным пешаходным пераходзе варта ехаць з хуткасцю пешахода, які ідзе крокам, таксама трэба пераканацца, што выхад/выезд на праезную частку бяспечны.
На сродках персанальнай мабільнасці забаронена:
– перамяшчацца са скорасцю звыш 25 км/ч;
– перавозіць пасажыраў па-за спецыяльна абсталяваных месцаў для сядзення, прадугледжаных канструкцыяй;
– не трымацца за руль (пры яго наяўнасці);
- перамяшчацца да 14 гадоў (акрамя пешаходных і жылых зон).