«Славянскі базар» парадуе новымі творчымі праектамі

У медыяцэнтры Віцебскай вобласці адбылася прэс-канферэнцыя, прысвечаная маючаму адбыцца XXXII Міжнароднаму фестывалю мастацтваў «Славянскі базар у Віцебску».

Кіраўнікі ўстаноў, задзейнічаных у арганізацыі фестывалю, расказалі пра праграму свята, якое, акрамя канцэртаў у Летнім амфітэатры, парадуе многімі мерапрыемствамі.
У абласной філармоніі пройдзе канцэрт іспанскай гітарнай музыкі. Нацыянальны акадэмічны драматычны тэатр імя Я. Коласа рыхтуе прэм'еру спектакля, прысвечанага мастаку Ільі Рэпіну. Начны паказ пройдзе ў Здраўнёве.
У фестывальны Віцебск прыедуць лялечныя тэатры з Санкт-Пецярбурга, Мурманска, Новасібірска, Мыцішчаў.
Абласны краязнаўчы музей адкрые выставу Пасольства Ісламскай Рэспублікі Пакістан у Рэспубліцы Беларусь.
У Летнім амфітэатры ўпершыню пройдзе Кубак КВЗ «Славянскі базар». У ім возьмуць удзел каманды «Доктар Хаус», «Трыёд і Дыёд», «Руская дарога», «Барцы».
Таксама ўпершыню вялікі праект прадставіць медыяхолдынг «Рускае радыё». Пашырыць сваю прастору і фэст вулічнага мастацтва «На сямі вятрах». Артыстам прадаставяць новую дадатковую пляцоўку каля «Марка-Сіці».
Па словах генеральнага дырэктара Цэнтра культуры «Віцебск», дырэктара Міжнароднага фестывалю мастацтваў «Славянскі базар у Віцебску» Глеба Лапіцкага, чакаецца больш за 5 тыс. артыстаў з амаль трох дзясяткаў краін. Арганізатары плануюць прадаць гледачам больш за 60 тысяч білетаў.

Па матэрыялах "Дзвінскай праўды"