У купальны сезон у Віцебскай вобласці будзе дзейнічаць 88 месцаў масавага адпачынку ля вады

У купальны сезон на Віцебшчыне будзе дзейнічаць 88 месцаў масавага адпачынку ля вады, у тым ліку 75 пляжаў.

Усе гэтыя зоны згодна з рашэннямі мясцовых уладаў замацаваны за прадпрыемствамі і арганізацыямі для добраўпарадкавання і абсталявання раздзявальнямі, туалетамі, стаянкамі аўтатранспарту, навесамі, інфармацыйнымі стэндамі. Традыцыйна акваторыі пляжаў і месцаў для купання абследуюцца вадалазамі.

Па словах старшыні абласной арганізацыі ОСВОД Аляксандра Мясаедава, на Віцебшчыне дзейнічае 12 выратавальных станцый (дзве з іх зноў адкрытыя – у Лепелі і Варонах Віцебскага раёна), а таксама 33 пасты
(восем новых). У цэлым бяспечны адпачынак грамадзян будуць забяспечваць больш за 300 супрацоўнікаў ОСВОД. Дарэчы, летась у зонах дзеяння выратавальных станцый і пастоў няшчасных выпадкаў не было.

Улічваючы, што гібель на вадзе адбываецца на неахоўных аб'ектах у выніку асабістай неасцярожнасці і недысцыплінаванасці грамадзян, дзейнасць ОСВОД акцэнтуецца на правядзенні тлумачальнай і прафілактычнай працы сярод насельніцтва. Так, з пачатку года праведзена звыш 700 выступленняў у працоўных калектывах і ўстановах адукацыі, больш за 1 тыс. рэйдаў сумесна з супрацоўнікамі МНС і МУС.

Для бяспечнага адпачынку важна захоўваць разважлівасць і памятаць асноўныя правілы:

– не купацца ў неўстаноўленых месцах;

– не ўжываць на пляжах спіртных напояў, не заходзіць у ваду ў стане алкагольнага ап'янення;

– не заплываць за межы акваторыі пляжу;

– не плаваць на надуўных матрацах, дошках, бярвёнах, камерах;

– не скакаць у ваду з прычалаў, плацін, дамбаў і іншых гідратэхнічных збудаванняў;

– бацькі павінны пастаянна кантраляваць паводзіны дзяцей, якія знаходзяцца ля вады.

https://vitvesti.by/obshestvo/v-kupalnyi-sezon-v-vitebskoi-oblasti-budet-deistvovat-88-mest-massovogo-otdykha-u-vody.html