З 25 мая па 5 чэрвеня праводзіцца спецыяльнае комплекснае мерапрыемства «Увага – дзеці!»

У адпаведнасці з пунктам 166.9 Правілаў дарожнага руху Рэспублікі Беларусь у перыяд правядзення дадзенага мерапрыемства кіроўцам неабходна рухацца ў светлы час сутак з уключаным на транспартным сродку блізкім святлом фар або дзённымі хадавымі агнямі (пры іх наяўнасці).

За невыкананне дадзенага патрабавання заканадаўства прадугледжана адміністрацыйная адказнасць у выглядзе штрафу да 3 базавых велічынь (ч. 3 арт. 18.13 Кодэкса аб адміністрацыйных правапарушэннях Рэспублікі Беларусь).
Інспектары ДАІ, а таксама прадстаўнікі іншых службаў міліцыі грамадскай бяспекі наведаюць працоўныя калектывы прадпрыемстваў і арганізацый, правядуць тэматычныя кіналекторыі і акцыі з мэтай тлумачэння асноўных прычын ДТЗ з удзелам дзяцей, а таксама мер прафілактычнага характару па іх папярэджанні.
Дзяржаўтаінспекцыя заклікае бацькоў праяўляць пільнасць і з належнай увагай кантраляваць баўленне часу сваімі дзецьмі. Станьце для іх прыкладам бездакорнага выканання Правілаў дарожнага руху.
Штодня нагадвайце юным пешаходам і веласіпедыстам аб бяспечных паводзінах на дарогах і (што не менш важна) у дварах. Бо ўжо па-за межамі пад'езда пачынаецца зона павышанай небяспекі. Перш чым адпускаць дзіця самастойна катацца на веласіпедзе, пераканайцеся, што ён будзе гэта рабіць у бяспечным месцы, а не на праезнай частцы.
Акрамя таго, Дзяржаўтаінспекцыя настойліва рэкамендуе бацькам прайсці з дзіцем па маршруце з дома ў школу і назад, паказаўшы небяспечныя месцы і разабраўшы разам з ім распаўсюджаныя «дарожныя пасткі», якія могуць падпасцірыкаць іх падчас руху.