Абласны конкурс сямейнай творчасці «Свет вашаму дому» прайшоў у Верхнядзвінску

У абласным конкурсе сямейнай творчасці «Свет вашаму дому», які прайшоў у Верхнядзвінскім РЦКіНТ, узялі ўдзел 14 сем'яў з 11 раёнаў Віцебшчыны. Конкурсная праграма складалася з двух этапаў: выставы «Вясёлка сямейных талентаў» і творчай прэзентацыі «Наш дэвіз – творчасць!».

Старшынёй журы стала галоўны спецыяліст упраўлення культуры Віцебскага аблвыканкама Зоя Аляксандраўна Гукава, таксама ў склад суднай калегіі ўвайшлі прадстаўнікі ДУК «Віцебскі абласны метадычны цэнтр народнай творчасці»: дырэктар Кацярына Пятроўна Лабука, намеснік дырэктара Надзея Васільеўна Уліновіч, начальнік аддзела аматарскай творчасці і культурна-дасугавай работы Васіль Сямёнавіч Медзюхо, вядучы метадыст аддзела традыцыйнай культуры Таццяна Анатольеўна Лапкова.
Па выніках конкурсу Дыпломамі за ўдзел узнагароджаны сем'і Пінаевых (Браслаўскі раён), Рубін-Казачонак (Верхнядзвінскі), Міхмель (Глыбоцкі), Забела-Арэхавых (Шумілінскі). Прыз у намінацыі "Творчы дэбют" атрымала сям'я Акуліч з Віцебскага раёна.
У намінацыі «Майстравітая сям'я» Дыпломам III ступені ўзнагароджаны сем'і Каваленка-Зорыных з г. Віцебска і Луткоўскіх з Росанскага раёна; Дыпломам II ступені – сям'я Рымдзёнак з Шаркаўшчынскага раёна; Дыпломам I ступені – сям'я Усовіч з г. Наваполацка.
У намінацыі «Таленавітая сям'я» Дыпломам III ступені ўзнагароджаны сем'і Сяткоўскіх з Верхнядзвінскага і Дзям'янавых з Мёрскага раёнаў; Дыпломам II ступені – сям'я Семянковых з Гарадоцкага раёна; Дыпломам I ступені – сям'я Красільнікавых з Докшыцкага раёна.
Уладальнікам Гран-пры фестывалю стала сям'я Дзёміных з г. Полацка.
http://www.d-p.by