Пытанні стварэння эфектыўнай сістэмы дапамогі дзецям і падлеткам абмеркавалі ў Віцебску

Старшыня Віцебскага аблвыканкама Аляксандр Субоцін абмеркаваў з прадстаўніком ЮНІСЕФ у Беларусі Рустамам Хайдаравым напрамкі дзейнасці ў сумеснай працы па далейшым стварэнні эфектыўнай сістэмы дапамогі дзецям і падлеткам.

– Дзеці – гэта самае каштоўнае, што ёсць у кожнага народа, у кожнай краіне, – адзначыў падчас сустрэчы Аляксандр Субоцін. – Таму максімальная ўвага, абарона і іх развіццё заўсёды на першым месцы. Актуальна і тое, што наша клапатлівасць – забяспечыць усім ім роўны доступ да адукацыі, гурткоў і аб'яднанняў, дзе яны маглі б развіваць свае здольнасці. У гэтым плане нашы мэты дакладна супадаюць і, я думаю, разам мы зробім у разы больш, чым кожны паасобку.

Прадстаўнікі ЮНІСЕФ наведалі ў гэты дзень Кіраўскую сярэднюю школу і Віцебскі абласны цэнтр карэкцыйна-развіццёвага навучання і рэабілітацыі, які існуе ў Віцебску ўжо на працягу 30 гадоў.

– Адным з нашых асноўных праектаў з'яўляецца праграма дэінстытуцыяналізацыі (уладкаванне ў сем'і тых дзяцей, якія знаходзяцца ў інтэрнатных установах). Мы спрабуем знайсці сям'ю кожнаму дзіцяці, у тым ліку і дзецям з асаблівымі патрэбамі, з інваліднасцю. Таму што сям'я з'яўляецца найбольш паўнавартаснай ячэйкай грамадства і менавіта ў ёй дзеці развіваюцца паўнавартасна, – сказаў Рустам Хайдараў. – Для дзяцей з асаблівымі патрэбамі патрэбны асаблівыя ўмовы, таму мы ставім сваёй мэтай таксама падрыхтаваць і бацькоў такіх дзяцей з дапамогай педагогаў, псіхолагаў, дэфектолагаў і іншых спецыялістаў. А спецыялісты ў сваю чаргу павінны мець навыкі, кампетэнцыі, каб умець аказваць кваліфікаваную дапамогу, і ў выніку агульнымі намаганнямі паспяхова інтэграваць такіх дзяцей у грамадства.

Бакі плануюць умацоўваць паспяховае партнёрства, рэалізоўваць новыя магчымыя сумесныя праекты.

Супрацоўніцтва дапаможа ўсім ведамствам – а ў дадзенай тэме задзейнічаны спецыялісты сфер аховы здароўя, адукацыі і сацыяльнай абароны – разумець агульныя мэты і задачы, каардынаваць працу і адсочваць вынікі.

 Крыніца: vitebsk-region.gov.by