Абвешчаны вынікі Міжнароднага архітэктурнага форуму "Эфектыўнае асяроддзе"
29 лістапада ў Мінску прайшоў II Міжнародны архітэктурны форум "Эфектыўнае асяроддзе". Сёлета мерапрыемства аб'яднала больш за 800 спецыялістаў і экспертаў у галіне архітэктуры і ўрбаністыкі з Беларусі і замежжа. Яго тэмай стала "Бачанне".
Удзельнікаў форуму павіншавалі намеснік міністра архітэктуры і будаўніцтва Аляксандр Балашанка, кіраўнік праектнай кампаніі VIASET Вадзім Дражын, старшыня Беларускага саюза архітэктараў Алег Быкоўскі, дэкан архітэктурнага факультэта Беларускага дзяржаўнага тэхнічнага ўніверсітэта Юрый Чантурыя, галоўны інжынер кампаніі "ЭКОВА" - генеральнага партнёра мерапрыемства - Дзмітрый Трубач.
У межах дзелавой праграмы прайшлі прэзентацыі, лекцыі, майстар-класы, кейсы, панэльныя сесіі. Эксперты абмеркавалі ключавыя тэмы развіцця гарадскога асяроддзя: метады прадухілення "візуальнага шуму", стварэнне дызайн-кода для гарадоў, рост ролі грамадскіх прастор, новыя стандарты камфорту ў жылых комплексах.
Акрамя насычанай дзелавой праграмы, на форуме былі прадстаўлены яркія экспазіцыі, якія дэманструюць працы конкурснай і адукацыйнай праграм, праекты вядучых праектных кампаній, а таксама аб'екты выяўленчага мастацтва.
Галоўнай інтрыгай дня стала агалошчэнне вынікаў Міжнароднага архітэктурнага конкурсу на распрацоўку эфектыўнага асяроддзя жылога квартала ў горадзе Брэсце. Сёлета арганізатары атрымалі 63 працы ад удзельнікаў з 27 гарадоў Беларусі і Расіі. З саставам журы можна азнаёміцца па спасылцы.
Узнагароды размеркаваліся наступным чынам:
- I ПРЭМІЯ і грашовы прыз 15 000 беларускіх рублёў (407 000 расійскіх рублёў) прысуджаны аўтарам праекта Timeless city - беларускай кампаніі ТАА "ВАРАБ'ЁЎ і ПАРТНЁРЫ". Аўтарскі калектыў: Арсеній Вараб'ёў, Вольга Паршына, Аляксандр Галод, Міхаіл Сабалькоў, Дзмітрый Сушкевіч, Ігар Шаманоўскі, Вікторыя Адамчук.
II ПРЕМІЮ і грашовы прыз 10 000 беларускіх рублёў (272 000 расійскіх рублёў) атрымала кампанія з Расіі - DT bureau за праект "Жыллёвы квартал КАФЛЯ ў Задворцах". Аўтарскі калектыў: Таццяна Таратута, Даніл Назараў, Ефрасіння Паніева.
III ПРЕМІЮ і грашовы прыз 5 000 беларускіх рублёў (136 000 расійскіх рублёў) забраў яшчэ адзін расійскі аўтарскі калектыў - Дар'я Лаўрынава і Аляксей Лаўрухін - за праект "СЯДЗІБЫ".