Мінсельгаспрад: у выставе PRODEXPO бяруць удзел 150 экспанент з сямі краін
У Міжнароднай спецыялізаванай аптовай выстаўцы-кірмашы PRODEXPO-2025 у Мінску прымаюць удзел 150 экспанентаў з сямі краін свету. Пра гэта заявіў намеснік міністра сельскай гаспадаркі і харчавання Беларусі Аляксандр Якаўчыц на палях выстаўкі, перадае карэспандэнт БЕЛТА.
Аляксандр Якаўчыц адзначыў, што на выстаўцы працуе 150 экспанентаў з сямі краін свету. "У гэтым годзе актыўны ўдзел прымаюць нашы калегі з Арменіі і Азербайджана. Працуюць вытворцы з В'етнама, Індыі, Турцыі. Шмат нашых калег з Расійскай Федэрацыі. Прадстаўлены шэраг дэлегацый на высокім узроўні з 11 рэгіёнаў Расіі. Таму выстаўка традыцыйна мае свой поспех. Яна не страціла сваёй актуальнасці", - лічыць ён.
Таксама намеснік міністра сельскай гаспадаркі і харчавання падзяліўся вынікамі, якіх удалося дасягнуць у галіне. "Па выніках дзевяці месяцаў 2025 года мы ўжо перапрацавалі малака з тэмпам росту да мінулага года 105,9%. Прычым апярэджваючымі тэмпамі забяспечылі вытворчасць суцэльнамалочнай прадукцыі, сыроў - 110% і 108% адпаведна. Забяспечылі прырост аб'ёмаў перапрацоўкі мяса. Прычым у гэтай галіне ідзём у глыбокую перапрацоўку, павышаючы дабаўленую вартасць. Робім акцэнт на каўбасных вырабах, забяспечыўшы рост вытворчасці на 6% у параўнанні з дзевяццю месяцамі мінулага года. Таму па ўсіх галінах сістэмна, крок за крокам прырастаем. Ганарымся тым, што сёння нашы прадукты харчавання прадаюцца ў 115 краінах свету. Не спыняемся на дасягнутым. Ёсць задачы кіраўніка дзяржавы па больш глыбокім выхадзе ў краіны далёкай дугі, уключаючы Афрыку, КНР", - распавёў Аляксандр Якаўчыц.
