У Віцебску праходзіць 80-е пасяджэнне сумеснай калегіі Камітэта Саюзнай дзяржавы па гідраметэаралогіі і маніторынгу забруджвання навакольнага асяроддзя
Сярод ключавых пытанняў, якія тут абмяркуюць, – узаемадзеянне дзяржаўных гідраметэаралагічных службаў Беларусі і Расіі, уключаючы мэтазгоднасць стварэння сумеснай пляцоўкі для ўсесезонных выпрабаванняў метэа- і аэралагічнага абсталявання. Таксама бакі ацэняць стан і вызначаць шляхі ўдасканалення аграметэаралагічных назіранняў, інфармацыйнага абслугоўвання і іншыя.
У пасяджэнні прымаюць удзел старшыня аблвыканкама Аляксандр Субоцін, прадстаўнікі Парламенцкага сходу Саюза Беларусі і Расіі, Пастаяннага камітэта Саюзнай дзяржавы, Выканаўчага камітэта СНД, Міністэрства прыродных рэсурсаў і аховы навакольнага асяроддзя Рэспублікі Беларусь, Расгідрамета, Белгідрамета, органаў выканаўчай улады і навуковых колаў дзвюх краін.
Старшыня Віцебскага аблвыканкама Аляксандр Субоцін прывітаў удзельнікаў пасяджэння, адзначыўшы, што цёплая атмасфера дазволіць максімальна эфектыўна папрацаваць на гэтай пляцоўцы.
Кіраўнік паўночнага рэгіёну падкрэсліў актуальнасць працы Саюздзідрамета, якая ўсё больш набірае значнасць у сувязі з тым, што змяняюцца кліматычныя паясы.
Ва ўмовах прыродных катаклізмаў, ураганаў, ліўняў і граду, якія неабходна прадказваць гідраметэаролагам, значнасць работнікаў сферы ўзрастае для ўсіх галін народнай гаспадаркі, дадаў Аляксандр Субоцін.
Міністр прыродных рэсурсаў і аховы навакольнага асяроддзя Беларусі Сяргей Масляк адзначыў: абедзве краіны звязаны шматгадовай гісторыяй супрацоўніцтва ў галіне гідраметэаралогіі і маніторынгу навакольнага асяроддзя.
Дадатковы імпульс у развіцці гэтыя адносіны атрымалі ў сувязі з утварэннем Саюзнай дзяржавы.
– Пацвярджэнне гэтаму – сённяшняя калегія пад эгідай Саюзнага камітэта па гідраметэаралогіі, які з'яўляецца каардынуючым звяном у супрацоўніцтве паміж Расгідраметам і Белгідраметам. Гэта ўнікальная пляцоўка, якая дае магчымасць абмену вопытам, інфармацыяй, што вельмі важна падчас развіцця тэхналогій, магчымасці павышэння кваліфікацыі нашых супрацоўнікаў, як у Расійскай Федэрацыі, так і на тэрыторыі Рэспублікі Беларусь. Гэта і вельмі важныя пытанні імпартазамяшчэння абсталявання замежнай вытворчасці, якое мы сёння выкарыстоўваем у сваёй працы і нашы калегі з Расійскай Федэрацыі, аналагамі айчыннай, расійскай, кітайскай вытворчасці.