Урад вызначыў, як беларусы будуць адпачываць і працаваць у 2026 годзе
Урад вызначыў, як беларусы будуць адпачываць і працаваць у 2026 годзе. Адпаведную пастанову падпісаў прэм'ер-міністр Беларусі Аляксандр Турчын.
У адпаведнасці з дакументам працоўны дзень 20 красавіка (панядзелак) пераносіцца на суботу, 25 красавіка. Днямі адпачынку будуць 18 (субота), 19 (нядзеля), 20 (панядзелак) і 21 (аўторак) красавіка 2026 года.
Акрамя таго, у прэс-службе Міністэрства працы і сацыяльнай абароны адзначылі, што арганізацыям з улікам спецыфікі вытворчасці (работы) прадастаўляецца права перанесці працоўны дзень (20 красавіка) на іншы выхадны дзень, які прыпадае на суботу.
У ведамстве дадалі, што традыцыйна непрацоўнымі днямі ў 2026 годзе з'яўляюцца: 1 і 2 студзеня - Новы год, 7 студзеня - Раство Хрыстова (праваслаўнае), 8 сакавіка - Міжнародны жаночы дзень, 21 красавіка - Радуніца па календары праваслаўнай канфесіі, 1 мая - Свята працы, 9 мая - Дзень Перамогі, 3 ліпеня - Дзень Незалежнасці Рэспублікі Беларусь (Дзень Рэспублікі), 7 лістапада - Дзень Кастрычніцкай рэвалюцыі, 25 снежня - Раство Хрыстова (каталіцкае).