«Рытмы лета» на «Славянскім базары» загучалі ў сэрцах жыхароў і гасцей Віцебска
За дзве гадзіны да пачатку доўгачаканага канцэрта «Рытмы лета» на «Славянскім базары ў Віцебску» фанаты пачалі запаўняць фан-зону.
Людзі з усіх куткоў горада спяшаліся да Цэнтральнага спартыўнага комплексу, каб атрымаць асалоду ад выступленняў сваіх куміраў. Смех, радасныя крыкі і мелодыі, што даносіліся здалёк, напаўнялі паветра атмасферай свята. Моладзь, сем'і з дзецьмі і нават пажылыя пары аб'ядноўваліся ў адзіным парыве, каб стаць часткай гэтай музычнай падзеі.
Пакуль DJ Vladlen круціў хіты, моладзь рабіла сэлфі і фатаграфавалася, падпявала любімым трэкам. Сярод першых у фан-зоне з'явіліся адданыя прыхільнікі Вані Дзмітрыенкі – Ангеліна і Жэня з Мінска.