Камітэт нагадвае грамадзянам аб магчымасці абмену чэкаў «Маёмасць»
Актуальнай застаецца тэма абмену чэкаў «Маёмасць» для іх уладальнікаў, якія да гэтага часу не вызначыліся з выбарам іх выкарыстання.
У цяперашні час уладальнікі чэкаў «Маёмасць» маюць права ўдзельнічаць у прыватызацыі дзяржаўнай маёмасці шляхам абмену належных ім чэкаў на акцыі прыватызуемых прадпрыемстваў.
Для правядзення аперацый з чэкамі іх Уладальніку неабходна звярнуцца ў падраздзяленне ААТ «АСБ Беларусбанк», якое выконвае аперацыі па абмене чэкаў «Маёмасць», ‒ для жыхароў г. Віцебска такое падраздзяленне размешчана па вул. Смаленская, 9.
З пералікам прадпрыемстваў і іншай інфармацыяй можна азнаёміцца на сайце ААТ «АСБ Беларусбанк» (https://belarusbank.by/ru/fizicheskim_licam/33357/28809/1776)
Для абмену неабходна прад'явіць пашпарт і сертыфікат чэкаў.
У выпадку, калі грамадзянін страціў сертыфікат чэкаў «Маёмасць», яго можна аднавіць у аддзяленні банка шляхам выдачы дубліката.
Супрацоўнікі банка дапамогуць з афармленнем усіх неабходных дакументаў.
У цяперашні час для абмену на чэкі «Маёмасць» прапануюцца акцыі 150 адкрытых акцыянерных таварыстваў, якія ажыццяўляюць дзейнасць у розных сферах вытворчасці і аказання паслуг.
Набываючы акцыі, грамадзянін становіцца акцыянерам і ў адпаведнасці з заканадаўствам мае права ўдзельнічаць у кіраванні таварыствам, атрымліваць інфармацыю аб дзейнасці прадпрыемства, а таксама прадаваць, дарыць і атрымліваць у спадчыну акцыі.
Нягледзячы на тое, што тэрмін звароту чэкаў «Маёмасць» устаноўлены па 31 снежня 2025 г., рэалізаваць сваё права на абмен чэкаў неабходна ўжо зараз.