Больш за 150 тысяч домаўладанняў і кватэр абследавалі работнікі МНС у Віцебскай вобласці за 2022 год
Незадоўга да прафесійнага свята, Дня ратавальніка, у Віцебску падвялі вынікі работы службы за 2022 год. Начальнік Віцебскага абласнога ўпраўлення МНС Сяргей Мялешкін прывёў статыстыку:
— Да канца 2022 года колькасць пажараў у рэгіёне знізілася на 7 выпадкаў, з 948 да 941. На іх загінула 109 чалавек, гэта на 7 выпадкаў больш, чым у 2021-м. У тым ліку агонь забраў жыццё аднаго дзіцяці. Гэта адбылося 22 кастрычніка. Дзяўчынка-падлетак была дома адна, раніцай збіралася прыгатаваць сняданак і заснула, пакінуўшы ўключанай газавую пліту. Калі на месца прыбылі ратавальнікі, дом быў ахоплены агнём. Выратаваць падлетка не ўдалося.
Ад пажараў у паўночным рэгіёне траўмаваны 61 чалавек, гэта на 47 фактаў больш, чым у 2021 годзе. З агню выратавана 59 пацярпелых. Большая частка вогненных выпадкаў (521) па-ранейшаму прыпадае на сельскую мясцовасць. Асноўнымі прычынамі ўзгаранняў сталі неасцярожнае абыходжанне з агнём (396 выпадкаў, як і ў 2021 годзе); парушэнне правілаў устройстве, эксплуатацыі электрасетак і электраабсталявання, а таксама устройстве, эксплуатацыі печаў і іншых цеплагенеруючых апаратаў. Астатнія пажары прыпадаюць на падпалы (32), вогненныя работы – рост на 29,4% (з 17 да 22) і свавольства дзяцей з агнём.
Як і раней, часцей за ўсё ўспыхвае жыллёвы фонд грамадзян – больш за 70% ад агульнай колькасці пажараў. Аб'екты прадпрыемстваў складаюць 9%, а аўтатранспарт – крыху больш за 10%. Загінулымі на пажарах часта становяцца людзі, якія вядуць асацыяльны лад жыцця, звярнуў увагу Мялешкін:
— Як правіла, яны нідзе не працуюць, злоўжываюць спіртным і маюць яшчэ адну шкодную звычку – курэнне. З 109 загінулых 91 знаходзіўся ў стане алкагольнага ап'янення, а амаль палова пажараў (396) адбылася з-за неасцярожнага абыходжання з агнём, пры гэтым 271 з іх звязаны менавіта з непатушанай цыгарэтай.
Ратавальнікі разам з зацікаўленымі суб'ектамі прафілактыкі працягваюць індывідуальную работу, у тым ліку з грамадзянамі з так званай «групы рызыкі». За 2022 год работнікамі МНС было абследавана больш за 151 тысячу домаўладанняў і кватэр. Гэтая работа працягнута ўжо і ў надыходзячым годзе.
Крыніца: vitebsk-region.gov.by