Дэлегацыя Пскоўскай вобласці азнаёмілася з аб'ектамі аховы здароўя ў Аршанскім раёне

Дэлегацыя Пскоўскай вобласці Расійскай Федэрацыі на чале з першым намеснікам губернатара Верай Емяльянавай у рамках візіту ў Віцебскую вобласць наведвае Аршанскі раён. Увага – аб'ектам аховы здароўя.

 

 

Першай кропкай маршруту стаў Віцебскі абласны шпіталь інвалідаў Вялікай Айчыннай вайны «Юрцава». Тут госці з Расіі азнаёміліся з умовамі знаходжання пацыентаў, узроўнем медыцынскага абслугоўвання, матэрыяльнай базай, методыкi, што прымяняюцца для аднаўлення пацыентаў пасля захворванняў і траўм. Члены дэлегацыі наведалі фізіятэрапеўтычнае, тэрапеўтычнае, рэабілітацыйнае аддзяленні, геранталогічны цэнтр.

На базе шматпрофільнай паліклінікі № 6 УАЗ «АЦП» абмеркавалі развіццё амбулаторна-паліклінічнага звяна.

– Мы прыбылі з праграмай вывучэння вопыту работы сістэмы аховы здароўя Віцебскай вобласці. У прыватнасці, у Оршы нас зацікавіў такі новы аб'ект, як дадзеная паліклініка: як будавалася, як тут усё арганізавана, якім чынам ажыццяўляецца прыём пацыентаў, – адзначыла Вера Емяльянава. – Паколькі і ў Расіі, і ў Беларусі важна знайсці новыя спосабы прадастаўлення насельніцтву высокакаштоўнай даступнай медыцынскай дапамогі на першым узроўні. Мы вывучым вопыт беларускіх калег і будзем выкарыстоўваць у сваёй практыцы. А таксама гатовыя дзяліцца нашымі новымі тэхналогіямі. Ёсць намер укараняць сумесныя праекты. Паколькі вопыт правядзення супольных аперацый, практычных заняткаў ужо выкарыстоўваецца, яго трэба пашыраць, працягваць з новымі ведамі і сіламі.

У сваю чаргу намеснік старшыні Віцебскага аблвыканкама Вячаслаў Дурноў адзначыў, што такія сустрэчы спрыяюць умацаванню міжрэгіянальных сувязей і развіццю супрацоўніцтва ў галіне аховы здароўя. Ён таксама падкрэсліў, што сумесныя праекты з'яўляюцца важным крокам на шляху да далейшага паляпшэння якасці медыцынскіх паслуг.

Крыніца: vitebsk-region.gov.by