33 гады на варце эканамічных інтарэсаў Рэспублікі Беларусь
20 верасня супрацоўнікі мытных органаў святкуюць Дзень мытніка. Сёння мытная служба стабільная і ўпэўненая ў сваіх магчымасцях. Ёй ёсць чым ганарыцца і да чаго імкнуцца.
Так, толькі за першае паўгоддзе 2024 года сума мытных і іншых плацяжоў, што паступілі ў бюджэт, вырасла амаль на 60% у параўнанні з аналагічным перыядам 2023 года.
Скарачэнне часу выпуску тавараў з'яўляецца адной з прыярытэтных задач, што стаяць перад мытнымі органамі. На працягу гадзіны афармляецца 90% імпартных дэкларацый, 91% экспартных дэкларацый - на працягу 5 хвілін.
Для максімальна хуткага афармлення Віцебская мытня выкарыстоўвае сучасныя тэхналогіі. Праца цэнтра электроннага дэкларавання паказала станоўчы вынік. У параўнанні з аналагічным перыядам 2023 года практычна ў тры разы павялічылася колькасць транспартных сродкаў, выпушчаных у свабодны зварот для асабістага карыстання.
Праваахоўнікамі Віцебскай мытні толькі за восем месяцаў 2024 года выяўлена больш за 2 тысячы адміністрацыйных правапарушэнняў. Распачата больш за чатыры дзясяткі крымінальных спраў, як мытняй, так і іншымі праваахоўнымі ведамствамі па мытных матэрыялах. Службовымі асобамі мытні толькі за апошнія 3 месяцы спынены ўвоз на тэрыторыю ЕАЭС больш за 180 кг гашышу, схаванага ў запасных колах грузавога аўтамабіля, 39 патронаў да агнястрэльнай зброі, схаваных у асабістых рэчах, асабліва небяспечнага псіхатропнага рэчыва – амфетамін, што знаходзіцца пад чахлом мабільнага тэлефона; культурных каштоўнасцей.
Мытнікі Віцебшчыны заўсёды адкрыты і ўважлівыя да патрэб цяжка хворых, ветэранаў, сацыяльных прытулкаў, цэнтраў для дзяцей-інвалідаў. Пацвярджэнне гэтаму іх удзячныя водгукі.
Неабходна адзначыць, што сёлета мы прынялі ў свае шэрагі 1-х выпускнікоў спецыяльнасці «Мытная справа» юрыдычнага факультэта ПДУ ім. Е. Полацкай. А гэта – 13 маладых і падрыхтаваных спецыялістаў!
Адпраўным пунктам у працы кожнага маладога супрацоўніка мытных органаў традыцыйна лічыцца ўрачыстае прынясенне Прысягі. 20 маладых супрацоўнікаў Віцебскай мытні разам са сваімі калегамі з іншых мытняў напярэдадні прафесійнага свята прынялі прысягу на вернасць Радзіме ў Брэсцкай крэпасці. У гэтым маштабным і знакавым мерапрыемстве прыняло ўдзел каля 170 работнікаў мытных органаў. Прымалі Прысягу начальнікі 8 мытняў Беларусі.
20 верасня ў сценах Віцебскай мытні адбылося Урачыстае сход, на якім начальнік мытні Сяргей Лінкевіч са словамі падзякі ўручыў дзяржаўныя ўзнагароды і розныя віды заахвочванняў. У гэты дзень свае заслужаныя ўзнагароды атрымалі больш за 20 работнікаў Віцебскай мытні.
У заключэнні Сяргей Лінкевіч выказаў шчырыя словы падзякі сваім калегам за іх працу, стойкасць, старанне і вытрымку, за адданасць справе на карысць Радзімы! Выказаў асаблівую павагу і прызнанне ветэранам мытнай службы, якія стварылі трывалы фундамент сучаснай мытнай службы Рэспублікі Беларусь.
Крыніца: vitebsk-region.gov.by