Першы камбайнер-двухтысячнік з'явіўся ў Віцебскай вобласці

Камбайнер філіяла "Зара" ЗАТ "Віцебскаграпрадукт" Чашніцкага раёна Аляксандр Зябко першым у Віцебскай вобласці намалаціў 2000 тон збожжа і рапсу.

Аляксандр працуе камбайнерам больш за 20 гадоў. За гэты час ён зарэкамендаваў сябе як высокакласны спецыяліст, які заўсёды дабіваецца высокіх вытворчых вынікаў. Не аднойчы праца механізатара была адзначана ўзнагародамі рознага ўзроўню.

Павіншаваць перадавіка з дасягненнем высокага выніку прыехалі кіраўніцтва раёна, старшыня камітэта па сельскай гаспадарцы і харчаванні Віцебскага аблвыканкама Андрэй Булаўкін, прафсаюзны лідар аграрыяў Віцебшчыны Таццяна Дзіканова, старшыня Чашніцкай раённай прафсаюзнай арганізацыі работнікаў АПК Інна Шыбанава.

Таццяна Дзіканова падзякавала камбайнера за працу, пажадала яму не спыняцца на дасягнутым і ў далейшым заваёўваць вытворчыя вяршыні.

Дыпломы і падарункі ад аграрнага прафсаюза Віцебшчыны - галоўнаму Герою сённяшняга дня!

Аляксандр Зябко запэўніў гасцей, што працягне працаваць з поўнай аддачай сіл.

Крыніца: vitebsk-region.gov.by