У Віцебскай вобласці плануюць сабраць 900 тысяч тон збожжавых і зерневых бабовых культур сёлета

Паводле ацэнкі спецыялістаў, валавы збор збожжавых і зерневых бабовых культур сёлета складзе 900 тыс. т. Пра гэта гаварылася на пасяджэнні аблвыканкама, прысвечаным арганізацыі ўборкі ўраджаю і сяўбе азімых культур.

У абмеркаванні актуальнай тэмы прыняў удзел міністр сельскай гаспадаркі і харчавання Беларусі Анатоль Ліневіч – упаўнаважаны кіраўніка дзяржавы па Віцебскай вобласці.

Адкрываючы пасяджэнне, старшыня аблвыканкама Аляксандр Субоцін канстатаваў: складанасць гэтага перыяду заключаецца ў тым, што культуры выспяваюць практычна адначасова, паралельна ідзе нарыхтоўка кармоў і падрыхтоўка глебы пад сяўбу азімых. Таму сістэма кіравання павінна быць наладжана максімальна эфектыўна і ўсе работы трэба правесці якасна і тэхналагічна.

Крыніца: vitebsk-region.gov.by