Віцяблянка Вольга Маслоўская разгарнула сцяг Віцебскай вобласці на найвышэйшай кропцы Еўропы – Эльбрусе
Наша зямлячка, якая працуе рэпарцёрам тэлеканала «РТР-Беларусь», здзейсніла ўзыходжанне ў складзе інтернацыянальнай групы альпіністаў. У яе ўваходзілі грамадзяне Беларусі, Расіі і Кітая.
Варта адзначыць, што шлях да запаветнай вяршыні – не загарадная прагулка, а цяжкае выпрабаванне, якое патрабуе вялікіх намаганняў. Вяршыня Эльбруса размешчана на вышыні 5 642 метры над узроўнем мора.
У сваіх сацыяльных сетках Вольга Маслоўская напісала, што заваяванне найвышэйшай кропкі нашага кантынента было даўняй марай, а таксама гэта дасягненне, у год 80-годдзя вызвалення нашай краіны ад нямецка-фашысцкіх захопнікаў, яна прысвячае сваім дзядам, якія ваявалі і перамаглі!
Крыніца: vitebsk-region.gov.by