Віцебская бройлерная птушкафабрыка занесена на Дошку гонару Віцебскай вобласці

На Дошку гонару Віцебскай вобласці занесены 17 прадпрыемстваў і арганізацый. Сярод арганізацый сельскай гаспадаркі лепшым стала ААТ «Віцебская бройлерная птушкафабрыка». Па выніках працы ў 2023 годзе ААТ «Віцебская бройлерная птушкафабрыка» занесена на абласную Дошку гонару.

Поспехі ў вытворчай дзейнасці неадрыўна звязаны з пастаянным удасканаленнем і, як следства, устойлівым попытам на прадукцыю пад гандлёвай маркай «Ганна» на ўнутраным і знешнім рынках. Па словах намесніка генеральнага дырэктара ААТ «Віцебская бройлерная птушкафабрыка» па мясаперапрацоўцы і якасці Наталлі Баркоўскай, сёння ў асартыменце больш за 200 найменняў вырабаў і таварных пазіцый: ад тушкі кураня-бройлера і паўфабрыкатаў да рулетаў, вяндлін і розных відаў каўбас.

Дарэчы, акрамя мяса птушкі прадпрыемства перапрацоўвае і ялавічыну, выгадаваную ў уласных сельскагаспадарчых філіялах. Напрыклад, добрым попытам карыстаюцца сасіскі і вараная каўбаса «Пераменка», сардэлькі «Шпікачкі абедзенныя» і «Купецкія люкс з сырам». У гэтым годзе да лінейкі паўфабрыкатаў дадаліся «Кракеты з тварожным сырам і грыбамі» (у сакавіку рэалізавана 9,5 т) і «Котлета «папараць-кветка» па-беларуску». У вытворчасць укаранёны і «Фрыкадэлькі па-фінску» – дадзены прадукт добры для прыгатавання булёну.

Дарэчы, на форуме перапрацоўшчыкаў «Беларусь мяса» , які адбыўся ў сакавіку, была праведзена закрытая дэгустацыя, дзе фрыкадэлькі ад «Ганны» занялі першае месца. У недалёкай будучыні ў гандлёвай сетцы з'явіцца і катлета па-кіеўску. У цэлым жа тэхнолагі Віцебскай бройлернай птушкафабрыкі працуюць над выпускам яшчэ больш за тры дзясяткі новых відаў прадукцыі. На мясаперапрацоўчым комплексе прадпрыемства працуюць 1,1 тыс. чалавек, гэта самае вялікае падраздзяленне. Наталля Баркоўская адзначае, што калектыў – захопленыя людзі, якія хварэюць за сваю працу і робяць усё, каб марка «Ганна» была лепшай.

Крыніца: vitebsk-region