Старшынёй Віцебскага абласнога Савета дэпутатаў аднагалосна абраны Дзмітрый Дзямідзенка
На парадку першай сесіі абласнога Савета дэпутатаў стаяла некалькі пытанняў, у тым ліку абранне старшыні дэпутацкага корпуса вобласці і яго намесніка, пастаянных камісій.
Па прапанове дэпутатаў Ігара Ісачэнкі, Алега Жынгеля, Уладзіміра Мацвеева, Валянціны Багатыровай была прапанавана кандыдатура Дзмітрыя Дзямідава. Яны адзначалі, што ведаюць яго па сумеснай працы. Адзначалі высокі прафесіяналізм і заслужаны аўтарытэт, якім ён карыстаецца ў калег і людзей. А будучы старшынёй Наваполацкага гарвыканкама, Дзмітрый Дзямідаў унёс значны ўклад у сацыяльна-эканамічнае развіццё горада і рэгіёна ў цэлым, выступаючы ініцыятарам маштабнага перааснашчэння гігантаў хімічнай прамысловасці. Наваполацк, як адзначыў Алег Жынгель, з'яўляецца цэнтрам прыцягнення інвестыцый. Прафесіяналізм, інтэлект, сумленнасць – тыя якасці, якія дапамагаюць кіраваць як на макра-, так і мікраўзроўні, рацыянальна выкарыстоўваючы бюджэтныя грошы, адзначыла Валянціна Багатырова.
Аднагалосна Дзмітрый Дзямідаў абраны старшынёй дэпутацкага корпуса, яго намеснікам на грамадскіх пачатках абрана Ірына Леўковіч.
Старшыня аблвыканкама Аляксандр Субоцін адзначыў, што дэпутацкі корпус уяўляе сабой зладжаную каманду, у якой прафесійныя, дасведчаныя людзі, ім трэба будзе пісаць гісторыю Віцебшчыны.
Крыніца: vitebsk-region.gov.by