Камітэт "Віцебскаблмаёмасць": пытанні ўключэння дзяржмаёмасці ў гаспадарчы абарот з улікам змяненняў заканадаўства разгледзелі на семінары ў Віцебску

7 снежня камітэтам дзяржаўнай маёмасці Віцебскага аблвыканкама ў Віцебскім аблвыканкаме быў арганізаваны семінар па пытаннях уключэння ў гаспадарчы абарот невыкарыстоўваемай і неэфектыўна выкарыстоўванай маёмасці з улікам унесеных змен у дзеючае заканадаўства.

У семінары прынялі ўдзел намеснікі старшынь і спецыялісты гарадскіх, раённых выканкамаў, спецыялісты абласных органаў кіравання, якія курыруюць пытанні ў дачыненні да дзяржаўнай маёмасці.

Адкрыла семінар намеснік старшыні Віцебскага аблвыканкама Анжаліка Нікіціна, якая нагадала аб задачах, што стаяць перад органамі дзяржаўнай улады па павышэнні эфектыўнасці кіравання дзяржаўнай маёмасцю.

У рэжыме відэаканферэнцсувязі прынялі ўдзел і прадстаўнікі Дзяржаўнага камітэта па маёмасці Рэспублікі Беларусь.

Так, намеснік начальніка ўпраўлення па рабоце з дзяржаўнай маёмасцю галоўнага ўпраўлення распараджэння маёмасцю Аксана Крайнова спынілася на праблемных пытаннях арганізацыі работы з невыкарыстоўваемай і неэфектыўна выкарыстоўванай дзяржаўнай маёмасцю Віцебскай вобласці.

Святлана Дзегцярэнка, начальнік галоўнага ўпраўлення карпаратыўных адносін, уладальніцкага нагляду і абарачэння акцый, расказала аб актуальных пытаннях удзелу дзяржавы ў кіраванні акцыямі гаспадарчых таварыстваў.

Аб новаўвядзеннях у парадку фарміравання і актуалізацыі дзяржаўнага інфармацыйнага рэсурсу «Адзіны рэестр маёмасці» расказала Юлія Варухіна, начальнік упраўлення ўліку і выкарыстання маёмасці галоўнага ўпраўлення распараджэння маёмасцю.

Аб практыцы ўключэння ў гаспадарчы абарот і зносе невыкарыстоўваных аб'ектаў нерухомай маёмасці ў г.Віцебску расказала Наталля Махнач, прадстаўнік дзяржаўнага прадпрыемства «Цэнтр нерухомасці г.Віцебска.

Крыніца: vitebsk-region.gov.by