У Аршанскім раёне адкрыўся смеццеперапрацоўчы комплекс

У Аршанскім раёне адкрыўся смеццеперапрацоўчы комплекс, паведамілі БЕЛТА ў Міністэрстве жыллёва-камунальнай гаспадаркі.

У цырымоніі адкрыцця прыняў удзел міністр жыллёва-камунальнай гаспадаркі Генадзь Трубіла, а таксама старшыня Віцебскага аблвыканкама Аляксандр Субоцін.

Смеццеперапрацоўчы комплекс пабудаваны на рэгіянальным палігоне ў вёсцы Салаўі Аршанскага раёна. Ён уключае ў сябе завод па сартаванні адходаў, абсталяванне па перапрацоўцы будаўнічых і буйнагабарытных адходаў, пляцоўку для кампаставання.

"Туды накіруюцца патокі ТКА не толькі з Аршанскага, але яшчэ з Дубровенскага і Талачынскага раёнаў. Магутнасць комплексу складае 60 тыс. т у год. У працэсе сартавання плануецца здабыццё другасных матэрыяльных рэсурсаў і атрыманне фракцыі прэ-RDF паліва. З бітумазмяшчальных будуць атрымліваць дранку для дарожнага будаўніцтва, з бетону і камянёў - другасны шчэбень, а з драўніны - паліўную шчэпку", - адзначылі ў МЖКГ.

Сёння ў Оршы праходзіць выязная калегія Міністэрства жыллёва-камунальнай гаспадаркі пад кіраўніцтвам міністра.

"БЕЛТА"

Крыніца: hvitebsk-region.gov.by