У Дзень бацькі Антон Рыжанкоў з Оршы атрымаў галоўны падарунак - забраў з радзільні першынца
У Дзень бацькі Антон Рыжанкоў з Оршы атрымаў свой галоўны падарунак – забраў з радзільні доўгачаканага першынца.
Крыху пыхкае і з расчыненым позіркам азіраецца вакол. Так маленькага Яраслава збіралі на выпіску. Прыгожым фінальным акордам у Тыдзень бацькоўскай любові стаў Дзень бацькі. Як прайшло гэтае свята для аднаго з жыхароў Оршы.
Раніца ў Антона Рыжанкова пачалася незвычайна. Для маладога таты гэты дзень назаўжды застанецца ў памяці, бо сёння ён упершыню ўзяў на рукі сына.
Павіншаваць маладых бацькоў паспяшалася старшыня Віцебскай абласной арганізацыі Беларускага саюза жанчын Марына Новіцкая:
– Сёння такая неверагодная раніца, бо ў гэты дзень адзначаецца Дзень бацькі. Няма нічога лепшага і шчаслівейшага, чым з'яўленне дзіцяці. Сёння столькі людзей стала шчаслівейшымі ад з'яўлення вашага дзіцяці! Дапамагайце, будзьце разам, расціце малога і шануйце, бо самае благадатнае, што толькі ёсць у свеце, – гэта сям'я.
У падарунак ад Беларускага саюза жанчын бацькі атрымалі карысны і незвычайны «памперсны» торт. А яшчэ прэзенты для кожнага члена сям'і: мамы, таты і маленькага сына.
У момант, калі выносілі сына, Антон не разгубіўся і трапятліва ўзяў яго на рукі.
– Адразу была радасць, цяпер не магу патлумачыць, што ўнутры: усё кіпіць, бурліць, – прызнаўся Антон.
Сам Антон са шматдзетнай сям'і, таму ў будучыні яму б хацелася, каб іх сям'я стала яшчэ больш.
Жонка Ганна падзялілася, што сына назвалі Яраслаў. Імя адразу выбраў муж і вельмі хацеў, каб назвалі хлопчыка менавіта так.
Загадчыца акушэрска-абсервацыйнага аддзялення БСМП Ганна Хрол адзначыла, што ў тыдзень бацькоўскай любові (з 14 па 21 кастрычніка) на свет з'явілася 11 малых: 8 хлопчыкаў і 3 дзяўчынкі.
Крыніца: vitebsk-region.gov.by