Прэзідэнт аб АПК Віцебскай вобласці: станоўчая дынаміка ёсць, але праблем хапае

Аграпрамысловы комплекс Віцебскай вобласці паказвае станоўчую дынаміку, але гэтага недастаткова і праблем па-ранейшаму хапае. На гэта Прэзідэнт Беларусі Аляксандр Лукашэнка звярнуў увагу падчас нарады па актуальных пытаннях развіцця Віцебскага рэгіёну.

"Адно з самых гарачых (пытанняў. - Заўвага.) - уборка ўраджаю і нарыхтоўка кармоў. Месяц таму на селектарнай нарадзе мы абмеркавалі ўсе вострыя моманты і прынялі неабходныя рашэнні і па ўборцы, і канкрэтна па абласцях, у тым ліку па Віцебскай. Разам з тым шэраг праблем захоўваецца: звыш траціны плошчаў пакуль не ўбраны ў Віцебскай вобласці, ураджайнасць збожжавых істотна меншая за леташнюю, нарыхтоўка кармоў таксама ніжэй за ўзровень мінулага года", - адзначыў Аляксандр Лукашэнка.

Кіраўнік дзяржавы звярнуў увагу, што сапраўды ёсць аб'ектыўныя фактары ў выглядзе засухі, на якія можа спаслацца кіраўніцтва вобласці, але такая сітуацыя была не паўсюль: "Палову засушыла, палова - былі нармальныя пасевы. Трэба было кампенсаваць недабор ураджаю ў засушлівых раёнах добрым ураджаем, дапусцім, у заходніх раёнах".

Прэзідэнт папрасіў старшыню аблвыканкама далажыць аб папярэдніх выніках уборачнай кампаніі. Аляксандр Лукашэнка адзначыў, што наперадзе яшчэ ўборка многіх іншых культур, уключаючы кукурузу, і за кошт гэтай культуры можна кампенсаваць недабор па каласавых збожжавых.

"Мы павінны ацаніць работу аграпрамысловага комплексу Віцебшчыны ў цэлым. І, калі Віцебшчына ці іншыя раёны нашай краіны нешта недабралі збожжавымі каласавымі, рапсам, - у нас стаіць цудоўная кукуруза. Я папярэдзіў віцэ-прэм'ера і новага міністра сельскай гаспадаркі аб тым, што цяжэйшы і важнейшы этап наперадзе - падрыхтавацца і ўбраць кукурузу. Асабліва на зерне. Выдатная як ніколі стаіць кукуруза, выдатны ўраджай. І я ўпэўнены, калі мы ўсё ўбяром, то мы яшчэ два мільёны тон можам атрымаць кукурузнага збожжа", - заявіў беларускі лідар.

Аднак ён папярэдзіў, што проста гнацца за паказчыкамі па зборы збожжа не варта, трэба падыходзіць да пытання ўборкі кукурузы з улікам патрэб на месцах: "Убіраць кукурузу на збожжа ці на сілас - гэта ваша справа. Не трэба гнацца дзеля таго, каб толькі вось атрымаць збожжа. Калі сфарміраваўся добры пачатак, то і кукурузны сілас будзе вельмі добры. Асабліва для Віцебскай вобласці. Ды і для іншых таксама".

Гаворачы непасрэдна аб сітуацыі ў АПК Віцебскай вобласці, Аляксандр Лукашэнка нагадаў, што больш за тры гады таму выдадзены ўказ №70 - рэгіёну аказана важкая дзяржаўная падтрымка ў выглядзе расчысткі даўгоў, растэрміноўкі абавязацельстваў на 15 гадоў і іншае.

"Памятайце нашу размову - жорсткую, мужчынскую. Вынікі працы віцебскага АПК мы разглядалі неаднаразова, у тым ліку на выязных нарадах. Цяперашні губернатар даваў запэўненні, што рост эфектыўнасці будзе забяспечаны. Зразумела, адступаць ужо няма куды ні Віцебскай вобласці, ні Магілёўскай, ні Гомельскай, як і іншым, - звярнуў увагу Прэзідэнт Беларусі. - Сёння мы бачым асобныя пазітыўныя зрухі: сельская гаспадарка вобласці ў цэлым паказвае станоўчую дынаміку, растуць вытворчасць малака і надоі на карову (калі не будзе кармоў, то гэтая дынаміка абваліцца). Гэта надзвычай недастаткова. Праблем у нас хапае".

Напрыклад, зніжаецца пагалоўе і вытворчасць жывёлы, не хапае сыравіны, не загружаны магут