Першы тысячнік на ўборцы збожжа вызначыўся ў Віцебскай вобласці
Камбайнер ААТ «Шайцерава» Верхнядзвінскага раёна Васіль Косаў першым на Віцебшчыне намалаціў тысячу тон збожжа і рапсу.
Аднаму з лепшых механізатараў гаспадаркі 41 год, і з васямнаццаці гадоў ён працуе на палях «Шайцерава» – меле, сее, уносіць арганіку, прыбірае. У страду пастаянна дэманструе высокі вынік. Тры гады таму перасеў на камбайн New Holland і ў першы сезон намалаціў больш за 4 тыс. т. І ў іншыя гады яго паказчыкі набліжаліся або былі вышэй за 3 тыс. Васіля Косава не раз ушаноўвалі на абласным свяце аграрыяў «Дажынкі», ён атрымліваў Падзяку прэм'ер-міністра Беларусі.
На пытанне, як удаецца дамагчыся такога высокага намалоту, герой жніва адказвае: тэхніка добрая і ўраджайнасць высокая.
Хоць, як заўважыў старшыня Верхнядзвінскага райвыканкама Васіль Шылаў, сёлета надвор'е аграрыяў не цешыла.
- Вы бачылі, якія ўмовы склаліся ў Віцебскай вобласці – засуха. Між тым, уборка стартавала раней, чым у 2022-м, і на сённяшні дзень па намалоце мы апярэджваем мінулы год. Вядома, ураджай мінулага года не набяром, але вынікі нядрэнныя, і першы тысячнік з нашага раёна, – расказаў Васіль Шылаў.
Віншуючы камбайнера з пераадоленнем знакавага рубяжа, старшыня аблвыканкама Аляксандр Субоцін адзначыў, што першы тысячнік на Віцебшчыне – вялікае свята і перамога.
– Вы выхопліваеце паміж дажджамі кожную хвіліну, разумеючы, што нельга губляць такі каштоўны час уборкі ўраджаю, тым самым забяспечваеце харчовую бяспеку Беларусі, – падкрэсліў кіраўнік вобласці.
– Мне прыемна, што праца на пасадзе памочніка Прэзідэнта – інспектара па Віцебскай вобла
На Віцебшчыне ўбрана 48,8 тыс. га (18,2 % плошчаў) збожжавых і зернебабовых, намалочана 130 тыс. т збожжа, сярэдняя ўраджайнасць – 26,6 ц /га.
Крыніца: vitebsk-region.gov.by