Стартавала акрэдытацыя ўдзельнікаў і гасцей «Славянскага базару ў Віцебску»

Пачалася акрэдытацыя ўдзельнікаў і гасцей міжнароднага фестывалю мастацтваў "Славянскі базар у Віцебску". Пра гэта паведаміў журналістам дырэктар фестывалю мастацтваў, генеральны дырэктар Цэнтра культуры "Віцебск" Глеб Лапіцкі, перадае карэспандэнт БЕЛТА.

"Мы чакаем каля трох дзясяткаў краін, больш за 5 тыс. удзельнікаў будзе акрэдытавана на фестываль. Думаем, што іх сапраўды будзе больш: мы бачым папярэднія спісы на акрэдытацыю. Служба акрэдытацыі, рэгістрацыі ўжо пачала сваю працу", - сказаў Глеб Лапіцкі.

Ён заўважыў, што "Славянскі базар у Віцебску" - адзіны фестываль у свеце, які праводзіцца бесперапынна ўжо 32 гады і ўвесь гэты час адпавядае свайму галоўнаму дэвізу - "Праз мастацтва - да міру і ўзаемаразумення".

"Мы сёлета чакаем усіх гасцей - і гледачоў, і артыстаў, якія падзяляюць з намі гэты дэвіз, - сказаў ён. - Калі вы за творчасць, калі вы за мастацтва, то вам да нас - гэта дакладна".

"БЕЛТА"

Крыніца: vitebsk-region.gov.by