Малышоў са Спецыялізаванага дома дзіцяці Віцебскай вобласці павіншавалі з Міжнародным днём абароны дзяцей

Шмат гасцей сёння сабралася ў Віцебскім абласным спецыялізаваным доме дзіцяці. Малышоў, пазбаўленых бацькоўскай любові, захацелі павіншаваць з Міжнародным днём абароны дзяцей даўнія і новыя сябры.

Сустракала ўсіх галоўны ўрач абласнога спецыялізаванага дома дзіцяці Алена Мiзeркiнa, якая адзначыла, што ў яе ўстанове цяпер знаходзіцца больш за 60 дзяцей.

– З пачатку 2023 года ўсыноўлена 12 дзяцей, 11 – вярнуліся ў свае біялагічныя сем'і, 1 – у прыёмную сям'ю, 1 – апекунскую. Гэта складае амаль 80 працэнтаў сямейнага жыццёвага ўладкавання дзяцей, якія знаходзяцца ў нашай установе. Такія паказчыкі трымаюцца на працягу некалькіх гадоў. Заўсёды прыемна назіраць не толькі за дзецьмі, якія трапляюць у любячую сям'ю, але і за прыёмнымі бацькамі, якія нарэшце набываюць сваё доўгачаканае сонейка, – адзначыла Алена Мiзeркiнa.

У нашай краіне і вобласці надаецца асаблівая ўвага дзецям-сіротам, пазбаўленым бацькоўскай любові. Традыцыйна 1 чэрвеня многія людзі, супрацоўнікі розных арганізацый імкнуцца наведаць установы, у якіх знаходзяцца пад абаронай дзеці. Дзяржаўная ўлада і калектыў Дома дзіцяці імкнуцца зрабіць усё, каб пакрыўджаныя лёсам дзеці былі не пазбаўленыя клопату і ласкі.

– Умовы ва ўстанове добрыя, але ёсць і невялікія нявырашаныя пытанні, звязаныя з добраўпарадкаваннем веранды. На гэтыя мэты з абласнога бюджэту будзе выдзелена каля 50 тысяч рублёў, – пракаментаваў начальнік галоўнага ўпраўлення па ахове здароўя аблвыканкама Міхаіл Вішневецкі.

Людзі з добрым сэрцам заўсёды імкнуцца падтрымаць і дапамагчы хлопчыкам і дзяўчынкам, якія не ведаюць бацькоўскай любові і ласкі. Сярод іх кіраўнікі мясцовай вертыкалі на чале са старшынёй гарвыканкама Мікалаем Арловым. Свае шчырыя віншаванні і матэрыяльную падтрымку перадалі сілавыя структуры паўночнага рэгіёну: пракуратура Віцебскай вобласці, упраўленне прымусовага выканання галоўнага ўпраўлення юстыцыі аблвыканкама, абласное ўпраўленне і Першамайскі аддзел Дэпартамента аховы, абласное ўпраўленне Фонду сацыяльнай абароны насельніцтва і іншыя.

Пастаянныя спонсары і сябры ААТ «Канструктарскае бюро «Радар» – кіруючая кампанія холдынгу «Сістэмы радыёлакацыі», канструктарскае бюро «Дысплей», Віцебскай бройлернай птушкафабрыкі «Ганна», прадстаўнікі ААТ «АСБ Беларусбанк», абласнога камітэта работнікаў аховы здароўя, абласной арганізацыі «Чырвонага Крыжа», Першамайскай раённай арганізацыі РГА «Белая Русь»», народная артыстка Беларусі Святлана Акружная.

Алена Мiзeркiна ўручыла падзяку навучэнцам і выкладчыкам Віцебскага дзяржаўнага каледжа культуры і мастацтваў, якія літаральна за некалькі дзён да свята ператварылі ўваход на тэрыторыю Дома дзіцяці.

Дырэктар абласнога аддзялення РГА «Беларускі дзіцячы фонд» Вольга Абухава расказала, што напярэдадні Міжнароднага Дня абароны дзяцей традыцыйна арганізуецца вялікі дабрачынны канцэрт. Сёлета ён прайшоў у ВДУ імя П. М. Машэрава. Запрошаныя госці прыносілі падарункі (цацкі, канцылярскія прыналежнасці, сродкі гігіены), якія потым урачыста перадаюць у дом дзіцяці. Ад абласнога аддзялення Беларускага дзіцячага фонду таксама ўручылі грашовы сертыфікат, які спатрэбіцца пры матэрыяльна-тэхнічным аснашчэнні ўстановы.
Фонд міру заўсёды аказвае дапамогу ўстановам аховы здароўя, у тым ліку набытае абсталяванне для дзіцячых пляцовак, апараты для штучнай вентыляцыі лёгкіх спецыялізаванаму дому дзіцяці.

– Мы стараемся палегчыць працу людзей, якія клапоцяцца пра нашых малых. Сумна ад таго, што ўсе апараты ШВЛ не прастойваюць, яны неабходныя. Няхай жа нашы дзеткі будуць усе здаровыя! – пажадала старшыня абласнога аддзялення «Беларускі фонд міру» Таццяна Туманава і перадала Дому дзіцяці больш за 100 найменняў насення для пасадкі на агародзе, добраўпарадкавання тэрыторый, згодна з праектам «Мірны дом».

Выхаванцы ў сваю чаргу разам са сваімі педагогамі паказалі цудоўнае прадстаўленне – музычную кампазіцыю па казцы «Тэрамок». Ніхто не застаўся абыякавым.

– Выступ дзяцей даставіла вялікую асалоду сваёй непасрэднасцю і шчырасцю. Віншуючы з Міжнародным днём абароны дзяцей, адзначу, што гэта свята не толькі для дзяцей, але і для дарослых, як напамін пра тое, што мы павінны зрабіць жыццё шчаслівым, – сказаў намеснік старшыні аблвыканкама Вячаслаў Дурноў, выказваючы вялікую падзяку педагогам за працу, ласку і цяпло, якое тут даюць малым.