У трох райцэнтрах Віцебскай вобласці ў бліжэйшы час з'явяцца новыя спартыўныя аб'екты
Пра гэта «Віцебскім навінам» распавёў начальнік упраўлення спорту і турызму аблвыканкама Васіль Захарэвіч.
– Плануецца ў бліжэйшы час пабудаваць у Браславе і Лепелі басейны з трэнажорнымі заламі і заламі для заняткаў аэробнымі практыкаваннямі, – паведаміў Васіль Аляксеевіч. – Сёлета чакаецца пачатак праектных работ па будаўніцтве фізкультурна-аздараўленчага комплексу з міні-басейнам у Шаркаўшчыне. Таксама там будуць гульнявая і трэнажорная залы, плюс зала аэробных практыкаванняў. У гэтым годзе плануецца завяршыць праектаванне шматфункцыянальнага спорткомплекса ў мікрараёне Білева Віцебска. Чакаем, што ў пачатку наступнага года пачнуцца будаўнічыя работы. Акрамя таго, у бліжэйшых планах зрабіць новую спартыўную пляцоўку ў Рубе.
Крыніца: vitebsk-region.gov.by