Незаконны рыбалоўства!

Супрацоўнікамі Верхнядзвінскай міжраённай інспекцыі аховы жывёльнага і расліннага свету сумесна з супрацоўнікамі пагранічнай заставы «Бігасава», падчас правядзення палявых мерапрыемстваў 25.05.2024 на аз.Чорнае паблізу в.Юльянава Верхнядзвінскага раёна затрыманы непрацуючы мясцовы жыхар (у інтарэсах следства прозвішча, імя, імя па бацьку і адрас не раскрываюцца), які падчас вясновага нерастoвага перыяду (у Віцебскай вобласці з 10.04 па 08.06.2024) з выкарыстаннем лодкі ажыццявіў здабычу рыбы дзвюма рыбалоўнымі сеткамі. Незаконна здабыў 11 асобін розных відаў рыб, агульным вагой больш за 6 кг.

Сума шкоды, нанесенай навакольнаму асяроддзю, склала 144 б.в. на суму 5 760 рублёў.

Па дадзеным факце Верхнядзвінскім РАНС вырашаецца пытанне аб узбуджэнні крымінальнай справы па ч.2 арт. 281 КК Рэспублікі Беларусь.

У парушальніка канфіскаваны: сеткі, лодка драўляная, рыба. Праводзіцца праверка.

Хацелася б дадаць, што згодна з дзеючым заканадаўствам, падчас вясновай забароны на лоў усіх відаў рыб, шкода, нанесеная навакольнаму асяроддзю, вылічваецца ў трайным памеры па кожным відзе рыб незалежна ад яе вагі.

У перыяд нерастoў Дзяржаўнай інспекцыяй аховы жывёльнага і расліннага свету пры Прэзідэнце Рэспублікі Беларусь праводзіцца спецыяльнае комплекснае мерапрыемства «Нераст», накіраванае на забеспячэнне папуляцыі рыбы спрыяльных умоў для прайгравання.

Асаблівая ўвага надаецца захоўванню і выкарыстанню забароненых прылад рыбалоўства. Захоўванне такіх прылад цягне адміністрацыйную адказнасць па арт.16.26 КаАП Рэспублікі Беларусь, санкцыі якой для фізічных асоб прадугледжвае штраф да 30 базавых велічынь з канфіскацыяй прадмета адміністрацыйнага правапарушэння.

Асоба, якая добраахвотна здала забароненыя прылады рыбалоўства, вызваляецца ад адміністрацыйнай адказнасці.

За дадатковай інфармацыяй або аб фактах браканьерства просім звяртацца ў Верхнядзвінскую міжраённую інспекцыю аховы жывёльнага і расліннага свету па адрасе: г.Верхнядзвінск, вул.Савецкая, д.193/2 або па тэлефоне «даверу» інспекцыі 6-17-23.