Аб устанаўленні забароны на лоў уcіх відаў рыбы ў 2024 годзе

Верхнедвинская межрайонная инспекция охраны жывёльнага і расліннага свету паведамляе, што ў мэтах захавання рыбных рэсурсаў і стварэння спрыяльных умоў для прайгравання рыбы ў адпаведнасці з п.30 Правілаў аматарскага рыбалоўства, забараняецца ў Віцебскай вобласці з 10 красавіка па 08 чэрвеня, Брэсцкай і Гомельскай абласцей з 20 сакавіка па 18 мая, Мінскай, Магілёўскай і Гродзенскай абласцей, а таксама г.Мінску з 01 красавіка па 30 мая 2024 года рыбалоўства, за выключэннем лову рыбы: адной вудай з адным кручком або адным спінінгам, абсталяваным адной штучнай прынадай, якая мае не больш за два адзінарных, або падвойных, або патройных кручкоў, у светлы час сутак з берага (без заходу ў ваду, за выключэннем выпадкаў, указаных ніжэй), з лёду, штучных збудаванняў (акрамя чыгуначных мастоў, плацін, ля шлюзаў, помпавых станцый, іншых гідратэхнічных збудаванняў, у дачыненні да якіх устаноўлены абмежаванні і забароны на гаспадарчую дзейнасць, на адлегласці бліжэй 50 метраў у абодва бакі ад межаў названых тэхнічных збудаванняў).

Дапускаецца заход у ваду ў выпадку, калі ён не звязаны непасрэдна з ловам рыбы (адчэп прынады, абыход перашкод).

Дазваляецца выкарыстоўваць падсак для пад'ёму з вады рыбы, вылаўленай вышэйназванымі дазволенымі прыладамі аматарскага рыбалоўства.

Парушэнні дадзеных Правілаў цягне за сабой адказнасць па ч.1 арт.16.25 КоАП Рэспублікі Беларусь:

- цягне накладанне штрафу ў памеры ад 10 да 30 баз.вел. з канфіскацыяй прылад здабычы рыбы або іншых водных жывёл і іншых прадметаў, якія з'явіліся прыладай або сродкам здзяйснення названага парушэння, або без канфіскацыі, на індывідуальнага прадпрымальніка – ад 20 да 100 баз.вел. з канфіскацыяй прылад здабычы рыбы або іншых водных жывёл і іншых прадметаў, якія з'явіліся прыладай або сродкам здзяйснення названага парушэння, або без канфіскацыі, а на юрыдычную асобу ад 100 да 500 баз.вел. з канфіскацыяй прылад здабычы рыбы або іншых водных жывёл і іншых прадметаў, якія з'явіліся прыладай або сродкам здзяйснення названага парушэння, або без канфіскацыі.

Шкода, прычыненая навакольнаму асяроддзю падчас вясновай забароны на лоў рыбы, вылічваецца ў трайным памеры.

Для прыкладу: пры незаконным вылове адной асобі ляшча падчас вясновай забароны парушальніку пагражае мінімальны штраф ад 400 рублёў і шкода 360 рублёў незалежна ад памеру і вагі рыбы. Такім чынам, адна рыбка вагой 200гр. можа абысціся парушальніку ў круглую суму, якая ўдарыла па сямейным бюджэце.

Падчас вясновай забароны на лоўлю рыбы, забараняецца выкарыстанне маламерных судоў і судоў з падвеснымі рухавікамі ў рыбалоўных угоддзях.

У перыяд нерасту Дзяржаўнай інспекцыяй праводзіцца спецыяльнае комплекснае мерапрыемства «Нераст». Будуць прымацца ўсе магчымыя намаганні, каб забяспечыць папуляцыям рыбы спрыяльныя ўмовы для ўзнаўлення і бесперапыннага абнаўлення.

Адна з найважнейшых задач – гэта папярэджанне парушэнняў прыродаахоўнага заканадаўства і недапушчэнне трапляння браканьерскіх прылад рыбалоўства ў вадаёмы. З гэтай мэтай будзе праводзіцца маштабная прафілактычная праца.

Асаблівая ўвага будзе ўдзяляцца захоўванню і выкарыстанню забароненых прылад рыбалоўства. Захоўванне такіх прылад цягне адміністрацыйную адказнасць па арт. 16.26 КоАП Рэспублікі Беларусь, санкцыі якой для фізічных асоб прадугледжваюць штраф да 30 базавых велічынь з канфіскацыяй прадмета адміністрацыйнага правапарушэння.

Асоба, якая добраахвотна здала забароненыя прылады рыбалоўства, вызваляецца ад адміністрацыйнай адказнасці.

За дадатковай інфармацыяй або аб фактах браканьерства звяртацца ў Верхнядзвінскую міжраённую інспекцыю аховы жывёльнага і расліннага свету па тэлефоне «гарачай лініі» 6 17 23 або па адрасе: г.Верхнядзвінск, вул.Савецкая, д.193/2.