Аб саманарыхтоўцы і набыцці дроў насельніцтвам

У адпаведнасці з артыкулам 44 Лясного кодэкса Рэспублікі Беларусь нарыхтоўка драўніны на ўчастках ляснога фонду грамадзянамі ажыццяўляецца за плату на падставе ордэра. Згодна з артыкулам 39 Ляснага кодэкса Рэспублікі Беларусь ордэр (не больш за 50 куб. метраў) па ўсіх відах высечак выдаецца лясніцтвам.

Грамадзяне, якія жадаюць атрымаць участак ляснога фонду для саманарыхтоўкі дроў па ордэры, накіроўваюць у лясніцтва, у веданні якога знаходзіцца запытваемы ўчастак ляснога фонду, пісьмовую заяву.

Лясніцтва ў тэрміны, устаноўленыя заканадаўствам аб адміністрацыйных працэдурах, разглядае заяву і прыкладзеныя да яе матэрыялы і пры адсутнасці падстаў для адмовы ў прадастаўленні ўчастка ляснога фонду для лесакарыстання прадастаўляе ўчастак ляснога фонду шляхам афармлення і выдачы ордэра заяўніку пасля ўнясення ім платы за лесакарыстанне.

Падставай для вывазкі нарыхтаванай драўніны грамадзянамі з'яўляецца ордэр на дробны адпуск драўніны на корані.

У выпадку высечкі драўняна-хмызняковай расліннасці без дазвольных дакументаў у фізічнай асобы наступае адказнасць па артыкуле 16.17 Кодэкса Рэспублікі Беларусь аб Адміністрацыйных Правапарушэннях.

Акрамя самастойнай нарыхтоўкі дроў грамадзяне могуць набываць у лясніцтвах наяўныя ў наяўнасці дровы ў гатовым выглядзе. Кошт іх будзе залежаць ад пароды драўніны і ўмоў дастаўкі (уласны транспарт або транспартныя паслугі прадпрыемства).

Па пытаннях набыцця (куплі і дастаўкі), а таксама саманарыхтоўкі дроў трэба звярнуцца ў адно з найбліжэйшых па месцы жыхарства лясніцтваў за падрабязнай інфармацыяй.

Нагадваем тэлефон «гарачай лініі» Верхнядзвінскай інспекцыі аховы жывёльнага і расліннага свету, па якім можна паведаміць аб фактах браканьерства або звярнуцца за інфармацыяй 8 (02151) 6-17-23.

Старшы дзяржінспектар

Верхнядзвінскай МРА                                                        

В.Н.Куўшынаў